په‌یامی هاوخه‌می سازمانی خه‌بات به‌ بۆنه‌ی کۆچی دوایی کەسایەتیەکی خوشناوی ناوچەی بانە

رۆژی هەینی رێکەوتی 15ی گەلاوێژی 1395 کاک رەئوف که‌‌‌ریمی کەسایەتیەکی خۆشناوی ناوچەی بانە لە وەڵاتی سوئید بە هۆی نەخۆشی کۆچی دوایی کرد. کاک رەئوف لە کەسایەتیە نیشتمانپەروەر و خوشناوەکانی ناوچەی بانە بوو کە هەر لە دوای سەرکەوتنی شۆڕشی گەلانی ئێران بە خۆی و خانەواده‌‌‌وە تێکەڵ بە خەباتی رزگاریخوازانەی گەلەکەمان بوو و لەو پێناوەدا ناچار بە بە جێهێشتنی زیدی خوی بوو، و ئازار و نارەحەتیەکی بیشماری تووش بوو. 

جیگه‌‌‌ی ئاماژه‌‌‌یه‌‌‌ کاک رەئوف کەریمی هاوکات خەزووری بەرێز کاک بابەشێخ حوسه‌‌‌ێنی بەرێوەبەری گشتی سازمانی خەبات ی کوردستانی ئێران  بوو .

به‌‌‌ بۆنه‌‌‌ی کۆچی دوایی کاک ره‌‌‌ئووف که‌‌‌ریمی  پرسە و سەرەخۆشی خۆمان بە بەرێز کاک بابەشێخ حسێنی و  هەروەها خاتوو کویستان کەریمی کچی خوالێخوشبوو کاک رەئوف و سەرجەم کەس و کاری راده‌‌‌گه‌‌‌ینین و لە خوا داواکارین رووحی کاک رەئوف بە بەهەشتی بەرین شاد بکات و سێبووری کەس و کاری بێ.

انا لله  و انا الیە راجعون