سازمانی خه‌بات ی
کوردستانی
ئێران
په‌یامی هاوغه‌می سازمانی خه‌بات له‌سه‌ر ڕوداوی هاتوچۆی نێوان کامیاران و مه‌ریوان
سەرەخۆشی و هاوغەمی بە خانەوادەی قوربانیانی گوندی پیرسەفا ڕادەگەیەنین. بەداخەوە بەهۆی وەرگەڕانی مینی بووس(پاسی نەفەر هەڵگر) لە جادەی نێوان کامیاران بۆ مەریوان ١٩ کەس لە دانیشتوانی دێ‌ی "پیرسەفا" لە ناوچەی مەریوان گیانیان لەدەست دا و ٩ کەسی دیکەش لەو رووداوەدا برینداربوون. بابەشێخ حوسەینی سکرتێری گشتی سازمانی خەبات بەم بۆنەوە هاوغەمی و سەرەخۆشی بە خانەوادەو خزم ودۆستانیان و دانیشتوانی گوندی پیرسەفاو خەڵکی ناوچەی مەریوان ڕادەگەیەنێ. ئاشکرایە بە هۆی سیاسەتی هەڵەی ئاخوندەکان و کەمتەرخەمیان لە نۆژەن کردنەوەی ڕێگەو بانەکان لە ئێران و کوردستان و هەروەها کۆن بوونی ماشینەکانی هێڵی گواستنەوەو نەهێنانی پێداویستیەکانی ئوتۆمبێلە تاکە کەسی و گشتیەکان، هەر چەند رۆژ جارێک شاهیدی کارەساتی جەرگبڕ و لە قوربانی هاونیشتمانیان دەبین.
سازمانی خەبات ی کوردستانی ئیران
دەبیرخانەی ناوەندی
١١ ی خەرمانانی ١٤٠ ٠ کۆچی خۆری
