سازمانی خه‌بات ی
کوردستانی
ئێران
سیامەند
زۆرجار خامنەیی ڕێبەری ڕژیمی ئاخوندی باس لەوە دەکا کە بۆمبی ئەتۆمی بە حەرام دەزانێ و ڕادەگەێنێ کە ئامانجی ڕژیمی ئێران لە بەرنامە ئەتۆمیەکەی، بۆ لایەنی زانستی و پیشەسازیە. دیارە بە حەرام زانینی بۆمبی ئەتۆمی لە لایەن خامنەیی بۆتە هۆیەک کە بەرپرسانی ڕژیمی ئاخوندی لە بۆنەی جیاجاداو بۆ شاردنەوەی هەوڵەکانیان بۆ دروست کردنی بۆمبی ئەتۆم و بۆ پاساو هێنانەوە بە پرسیارو گومانەکان لە سەر گەڵاڵە ئەتۆمیەکانیان ولە وەڵامی حکومەت و ناوەندە جیهانیەکان، فتوای خامەنەیی بۆ بە حەرام کردنی بۆمبی ئەتۆمی، وەک فاکتەرێک و بەڵگەێک بەکار بێنن تا بەڵکوو کۆمەڵگەی جیهانی وولاتانی خاوەن هێز باوەڕیان پێ بێنن کە ئامانجیان دروست کردنی بۆمبی ئەتۆم نیە.
لە دنیای سیاسەتداو لە پێوەندی نیوان حکومەتەکان و پرسە مەترسیدارو پاوانخوازیەکان و بۆ یەکلایی کردنەوەو چارەسەر کردنی کێشە سیاسیەکان،و بە تایبەت لە سەردەمەی ئێستادا، باوەڕ بە فتوای خامەنەیی و درۆ (تەقیە) ی ناوبراو و تێکڕای پێکهاتەی دەسەڵاتی ئاخوندان، شتێکی مەحاڵەو زەحمەتە ووڵاتانی خاوەن هێزی جیهان لە سەر فتوای خامنەیی حیساب بکەن. وولاتانی جیهانی و هەموو ئەوانەی مەترسیان لە هەوڵەکانی ڕژیم لە دروست کردنی بۆمبی ئەتۆمی هەیە، بۆیان ڕوون بۆتەوە کە خامنەیی و دەسەڵاتدارانی دیکەی ڕژیم، بە درۆ کردن، هەوڵ بۆبەلاڕێدا بردنی ناوەندو حکومەتە جیهانیەکان دەدەن و ئامانجیانە هەر چۆنێک بێ، بۆمبی ئەتۆمی دروست بکەن.
هەوڵەکانی ڕژیم بۆ پەرە پێدانی گەڵاڵە ئەتۆمیەکانی و دروست کردنی بۆمبی ئەتۆمی لە دوای دەست بە کار بوونی حکومەتی ئاخوند ڕەئیسی زیاتر پەرەی سەندوە.پاڵاوتە کردنی ئۆرانیومی 60 لە سەدی و ڕێگەنەدان بە کاری چاودێرە نێودەوڵەتیەکان لە ناوەندە ئەتۆمیەکانی ڕژیم و شاردنەوەی زانیاریەکان و نەهێشتنی دوربینە چاودێریەکان و هەروەها لێدوانی دەسەڵاتداران و هەڵۆێستەکانیان لە پێوەند بە بەرەوپێشبردنی گەڵاڵە ئەتۆمیەکان، ئەوە نیشان دەدا، کە پێکهاتەی دەسەڵاتی ئاخوندی بڕیاڕیان نەبوو جارێکی دیکە لە سەر پڕۆگرامی ئەتۆمی لە گەڵ وولاتانی 5+1 ووت وێژبکات. بەڵام بە هۆی ئەوەی کە ڕژیم لە لایەک مەبەستیەتی بە کات کڕین ئامانجە سەرەکیەکەی لە دروست کردنی بۆمبی ئەتۆمی نزیکتر بێتەوەو لە لایەکی دیکەوە بۆ کاتیی و ماوەییش بێ، ئابڵوقە ئابوریەکانی ئەمریکاو زۆرهێنانە جیهانیەکان کەم بکاتەوەو ملیاردها دۆلاری دەست بەسەردا گیراوی لە ژێر ناوی ووت وێژەکان لە گەڵ ووڵاتانی 5+1 بە دەست بێنێ، ئامادەی دەورەی هەشتەمی ووت وێژەکان بوو لە ووڵاتی ئوتریش بوو .
پێشتریش ئاماژەی پێدراوە کە بەشداری نۆێنەرانی ڕژیم لە ووت وێژەکانی ئەتۆمی لە ماوەی چەند مانگی ڕابردودا بە ئامانجی فریوکاری و کات کڕینە بۆ بردنە پێشی هەوڵەکانیان بۆ دروست کردنی بۆمبی ئەتۆمی. هاوکات دەسەڵاتدارانی ڕژیمی ئاخوندی و لە سەرویانەوە ئاخوند خامنەیی لە هەوڵدان لە ئاڵۆزی پێوەندیە سیاسیەکانی نێوان ڕوسیە لە گەڵ ئەمریکاو وولاتانی ئوروپایی کە لە سەر کێشەی وولاتی ئوکراین دروست بووە کەڵک وەرگرن و چاویان لە سەر زیاتر پەرەسەندنی ئەو کێشانەو تەنانەت سەرهەڵدانی جەنگ لە نێوان ئوکراین و ڕوسیەیە.
ڕژیمی ئێران بۆ دەرباز بوون لە قەیرانەکانی ناوخۆیی لە ئێران و قەیرانەکانی لە گەڵ وولاتانی جیهان، پشتی بە سەرهەڵدانی قەیرانە جیهانیەکان و ناکۆکی نێوان وولاتانی خاوەن هێزی جیهانی بەستوەو تەنانەت ڕێنۆێنی بە حکومەتی ڕەئیسی داوە پێوەندیەکانیان لە گەڵ ڕوسیەو چین زیاتر پەرە پێ بدەن. ڕێکەوتنی 25 ساڵە ڕژیم لە گەڵ حکومەتی چین و ڕێکەوتنی 20 ساڵە لە گەڵ حکومەتی ڕوسیە کە بە پێ هەڵسەنگاندن و بەراوردی شارەزایان و ناوەندەکانی لێکۆڵینەوەی ئێرانی و جیهانی، دەردەکەوێ ئاخوندەکان بۆ مانەوەی ڕژیمەکەیان،جڵەوی دەسەڵاتەکەیان و حکومەتەکەیان سپاردوە بە ڕوسیەو چین و هەروەها داهاتی ژێرزەوی سەر زەوی لە ئێرانیان تاڵان فرۆش و هەرزان فرۆش کردوە ئەویش تەنیا لە پێناو ئەوەی حکومەتەکانی چین و ڕوسیە پشتگیری دەسەڵاتی دیکتاتۆری ئاخوندی بکەن و فتوایەک بدەن بۆ هەڵوەشانەوەی فتوای ناڕاستی خامنەیی بۆ حەرام زانینی دروست بۆمبی ئەتۆمی،ئەمجارە بە فتوای مەزهەبی و فتوای چەپی و مارکسیستی چین و غەیری دینی روسیە و هاوکاری و پشتیوانی ئەو دوو حکومەتە، ڕژیمی ئێران بۆمبی ئەتۆمی دروست بکات
