سازمانی خه‌بات ی
کوردستانی
ئێران
کۆچی دوایی شاعیرو نوسەری نیشتمان خۆشەویست و تێکۆشەر مامۆستا عەلی ئەشرەف نەوبەتی ناسراو بە پەرتەو کرماشانی بووە هۆی غەم و پەژارەی خەڵک لە شارو دێ‌کانی کوردستان بە تێکڕاو و بە تایبەتی شاعیران و نووسەرانی کوردەواری و سەرانسەری ئێران.
مامۆستا پەرتەو کرماشانی یەکێک لە شاعیرە نیشتمان خۆشەویست و دڵسۆزەکانی کوردستان و شاری کرماشانی سەربەرزە کە لە ماوەی تەمەنیدا خزمەتی زۆری بە ناسنامەی نەتەوەیی و فەرهەنگ و ئەدەبی گەلی کورد کردوەو زیاتر لە 3000 شیعری کوردی و فارسی هۆنیوەتەوەو لەگەڵ کاری ئەدەبی و نوسیندا دژی دەسەڵاتە ستەمگەر و جینایەتکارەکانی ڕژیمی شاو ڕژیمی خومەینی بوو.
بەبۆنەی کۆچی مامۆستا عەلی ئەشرەف نەوبەتی کرماشانی بە ناوی خۆم و هاوباوەڕانم لە سازمانی خەبات ی کوردستانی ئێران سەرەخۆشی و پەژارەم بە خەڵکی کوردستانی ئێران و ناوچەی کرماشانی خۆشەویست و خانەوادەو دۆستانی ڕادەگەینم و دڵنیام ڕێبازی شیعری و کارە بەنرخەکانی مامۆستا پەرتەو کرماشانی وەک هەمیشە سەرچاوەیێکی گرینگ و بایەخدار دەبن بۆ نەوەی ئێستاو داهاتوو لە کوردستانی ئێران و لە سەرانسەری ئێراندا.
لە گەڵ سەرەخۆشی دووبارەم
لە خوای گەورە داواکارم مامۆستا پەرتەو کرماشانی بە بەهەشتی بەرین شادبکا.
سازمانی خەبات ی کوردستانی ئێران
سکرتێری گشتی
بابەشێخ حوسەینی
٥ ی ڕێبەندانی ١٤٠ ٠ کۆچی خۆری
