هەواڵەکانی کوردستان و ئێران و جیهان ( 1ی خەرمانانی 1395)

 

 

کچێکی خوێندکاری هەڵسوڕاوی کورد حوکمی دورخرانەوەی بۆ دەرکرا

 

 ئەفسانە بایەزیدی کچە خوێندکاری هەڵسوڕاوی کورد، لەلایەن دادگای ئینقلابی مهابادەوە بە چوار ساڵ زیندان مەحکوم کرا. بەپێی ڕاپۆرتی ناوەندی پارێزەرانی مافی مرۆڤی کوردستان، ئەفسانە بایەزیدی خەڵکی بۆکان، ڕۆژی یەک شەممە 31ی گەلاوێژ، بە تاوانی تەبلیغات لە دژی نیزام و هاوکاری لەگەڵ یەکێک لە حیزبە کوردییەکان و سووکایەتی کردن بە ئەندامانی ڕێبەریی، لە لقی یەکی دادگای ئینقلابی مهاباد بە چوار ساڵ زیندان و دورخرانەوە بۆ زیندانی کرمان مەحکوم کرا. سەرچاوەیەکی باوەڕپێکراو لەو بارەوە بە ناوەندی پارێزەرانی مافی مرۆڤی کوردستانی وت: دوای سێ مانگ بێ ئاگایی و دەستبەسەر کردنی لە ئیدارەی ئیتلاعاتی ورمێ‌، ئەمڕۆ خانمی بایەزیدی لە لقی یەکەمی دادگای ئینقلابی مهاباد، لەلایەن قازی " جەوادی کیا" مەحکەممە کراو لە کۆتاییدا بە چوار ساڵ زیندانی مەحکوم کرا. هەروەها سەرچاوەکە ووتی کە خانمی بایەزیدی ئەو تۆمەتانەی بە ناڕاست لەقەڵەم داوە و لە  سەر درۆ بوونی ئەو تاوانانە پێداگری کردەوە. پارێزەرەکەی "ئەمجەد نەجەفی" لەگەڵ دەربڕینی ناڕەزایەتی بەو حوکمە، خوازیار بوو کە پێداچوونەوە بەو حوکمەدا بکرێ. جێگای بیرهێنانەوەیە کە خانمی بایەزیدی ڕۆژی دو شەممە 11ی گەلاوێژی ئەمساڵ لەلایەن مەئمورانی وەزارەتی ئیتلاعاتەوە، بۆ یەکەم جار نێردرایە بەشی لێکۆڵینەوەی دادگای ئینقلابی ورمێ‌ و لەلایەن قازی پێوەندیدارەوە بە تاوانەکانی " تەبلیغات لە دژی نیزام، سووکایەتی کردن بە ئەندامانی ڕێبەریی، هاوکاری یەکێک لە حیزبە کوردییەکان"ئاگادار کرایەوە. دەوترێ کە هێز ئەمنیەتیەکان ڕۆژی 5ی بانەمەڕی ئەمساڵ بەبێ‌ بوونی ئیزن چوونەتە ماڵی ئەفسانەو دەستیان کردووە بە گەڕان و دەستبەسەر داگرتنی کەل و پەلەکانی و دەست بەسەر کردنی خۆی. جێگای بیرهێنانەوەیە کە لە مانگی ڕێبەندانی 1394 ئەفسانە بەهۆی ئەو قسە ڕەخنە ئامێزانەی لەبارەی هەڵبژاردنەکانەوە لەناو خوێندکارەکاندا دەیکرد، بانگهێشتی ئیدارەی ئیتلاعاتی مهاباد کراوە و بۆماوەی چەند سەعات خراوەتە ژێر لێکۆڵینەوە و هەڕەشە لێکردن. جێگای باسە کە ئەفسانە لە مانگی ڕەزبەری 1394 لەلایەن ئیتلاعاتی سوپاوە دەست بەسەر کراوە و لە ڕێکەوتی 3ی سەرماوەز، بە تاوانی " تەبلیغات لە دژی نیزام" " سووکایەتی بە ئەندامانی ڕێبەیی" لەلایەن دادگای ئینقلابی مهابادەوە بە دو ساڵ زیندانی تەعزیری مەحکوم کرا. دوای دەست پێکردنی دادگای پێداچوونەوە لە ڕۆژی 7ی بەفرانباری ئەمساڵ، حوکمی دو ساڵ زیندانی تەعزیریەکەی بە شێوەیەکی هەڵپەسێردراو مایەوە و لە کۆتایدا لە ڕۆژی 8ی بەفرانباری 1394 لە زیندان ئازاد کرا. ئەو هەڵسوڕاوەی کورد پێشتر لە مانگی خەزەڵوەری 1392 بە تاوانی " هاوکاری لەگەڵ یەکێک لە حیزبە ئۆپۆزسیۆنەکانی کورد" دەست بەسەر کراوە و بە دانی بارمتەیەکی 100 ملیۆن تمەنی لە زیندان ئازاد کرا و بە دو ساڵ زیندانی هەڵپەسێردراو حوکم درا.

 

 

 

کوشتاری سیستماتیکی کۆڵبەرانی کورد ڕاگرن "

 

 ناوەندی پارێزەرانی مافی مرۆڤ، لە پێوەند بە کوشتاری سیستماتیکی کۆڵبەرانی کورد لە پێوەند بە بەردەوامی کوشتاری کۆڵبەرانی کورد لەماوەی پێنج مانگی ڕابردوو تا ئێستا راگەێندراوێکیان بڵاوکردۆتەوە و  تێیدا رایانگەیاند، ئاماری کوژراوان و بریندارانی کۆڵبەرانی کورد بە دەستی هێزە ئینتزامیەکانی سپای پاسداران گەیشتۆتە نزیکەی 60 کەس. تا ئێستا هیچ دامەزراوەیەکی دادوەری، هەم لە هێزە ئینتزامیەکان و هێزەکانی سپای پاسداران، بەرپرسیاریەتی ئەو جینایەتەیان نەگرتۆتە ئەستۆ و بێ ئاگایی خۆیان لەو سەرژمێریانە نیشان داوە و تەنانەت بە دەربڕینی ناڕەزایەتی نوێنەرانی کورد لە مەجلیس، دەوڵەت ئامادە نیە لە کوژران یان بریندار بوونی کۆڵبەرانی کورد و تەنانەت لە هەندێک بواردا لە کوژرانی ئەسپەکانیشیان رێ٠Žگری بکات. لەگەڵ دۆزینەوەی کار بۆ مەرزنشینەکانی ناوچە کوردییەکان، ئەوانە ناچار دەکەن کە تەنانەت بۆ گەیشتن بە ژیانێکی سەرەتایی پەنا بەرنە بەر کۆڵبەری و لەبەرانبەر حەق دەستێکی زۆر کەم لە ناوچە سنورییەکان کار بکەن. ڕۆژانە کوشتاری ئەو چینە زەحمەتکێشە لە ناوچە مەرزییەکان بەردەوامە و هێزە نیزامیەکان بەبێ هیچ ترسێک، بە ناونیشانی دەزگای قانون دانان و بەڕێوەبەری، لەژێر ناوی "قاچاغچی" ئەوانە مەحکەمە و دەکوژن. هەموو ساڵێک ژمارەیێکی زۆر لەو کۆڵبەرانە لەلایەن هێزەکانی سەر سنور و هێزەچەکدارەکانی ترەوە دەکوژرێن، و لە هەندێک حاڵەتدا بەهۆی بێدەنگی خانەوادەکانیانەوە، ناوەکانیان تۆمار نەکراوە. بەپێی ڕاپۆرتێک کە لەسەر کۆڵبەرانی سنور ئامادە کراوە، تەقە لێکردنی هێزەکان بەڕوی ئەو کۆڵبەرانەدا بەبێ هیچ ئاگادار کردنەوەیەک و تەقەی ئاسمانی دەبێت.

 

 

 

 

دان پێدانانی سوپا بە قوڵ بوونەوەی درز لە دەسەڵاتدارێتیدا 

 

محەممەد حسێن سەفار هەرەندی، راوێژکاری فەرهەنگی فەرماندەیی سوپا ووتویەتی: "رەوتی روداوی شۆڕش زیاتر لە دەوڵەت و دیپلۆماسی کار دەکات" و " دژمن دەیهەوێ بە ووتەی دیپلۆماتی باجمان لێ وەرگرێ" ئەو بە راگەیاندنی ئەوەی کە " دژمن وادەزانێ ئێمە لاواز بووین" زیادی کرد" نابێ لە روحیەی ئینقلابی گەری مەودا بگرین، چونکە ئەگەر لەو روحیەیە مەودا بگرین دژمن بەهێز دەبێ. بە ووتەی سەفار هەرەندی " لە ئەمرۆدا رووبەروو بوونەوە هەیە لەنێوان دو رەوت لە دەسەڵاتدا، و ئەم دیاردەیە لەچاو پێشتر زۆر زیاتر بووە، ئەمەش لە ئەنجامی جیاوازی بیرکردنەوە دروست بووە. ناوبراو زیادی کرد کە کەسانێک کە لە سەفی ئینقلاب دا بوون و لەگەڵ خەڵک دا لە خەبات و کارگەلێکی تر هاوکار بوون، ئەمڕۆ جیاوازتر لە قسەکانی جارانی خۆیان دەکەن" راوێژکاری فەرهەنگی فەرماندەی سوپا ووتویەتی : ئینقلابیەکانی دوێنێ و ئەمڕۆ دەڵێن " لە مەیدانی نێودەوڵەتی دا بەبێ بوونی پێوەندی لەگەڵ باقی ووڵاتانی تر بەتایبەتی وڵاتانی کافر، ناتواندری کێشەکانی خۆیان چارەسەر بکەن" ناوبراو دەڵێ کە " ئەمە لەکاتێکدایە کە ئیسلام بە ئێمەی راگەیاندووە کە ناتوانین لەگەڵ کافرەکاندا پێوەندی دۆستایەتیمان هەبێ" موحافەزەکارانی توندڕەو دەڵێن: حەسەن روحانی و دەوڵەتەکەی خاوەنی بیروباوەڕی" لیبڕالین، و سیاسەتی هەڵس و کەوتی ئەو لەگەڵ رۆژئاوا بە رەخنە ئامێز لەقەڵەم دەدەن.

 

 

 

 

بوونی 4500 ئێعدامی نادیار لە ئێراندا 

 

هاوکات لەگەڵ بڵاوکردنەوەی ئەو وتەیەی کە لەئێستادا 4500 ئێعدامی نادیار لە ووڵاتدا بوونی هەیە، و پێویستە چارەیەک بۆ ئەو کێشەیە بدۆزرێتەوە، دەسەڵاتدارێکی رێکخراوی زیندانەکان ووتی: ئەگەر ئەو ئۆردوگایانەی کە هەل و مەرجی سەختیان هەیە، بەپێی قانون کەڵکیان لێ وەرگیرێ، لەوانەیە رێگری زیاتر سەبارەت بە قانونی ئێستا کە سزای لەسێدارەدانیش دەگرێتەوە دروست ببێ. ئەوە لە حاڵێکدایە کە ئێعدامی شێوەێک سزایە ، بە واتایەکی تر بەهێزترین سزایە بۆ تاوانبار، کە رێگای گەڕانەوەی نیە. لە ئێستادا ئەو بابەتەی کە بۆتە جێی قسەو باس، بابەتی لابردن یان گۆڕینی سزای ئێعدام بۆ قاچاغچیانی مەوادی مەخەددیرە، تا ئێستاش دیار نیە کە دەبێتە هۆی کەم کردنەوەی ئەو تاوانە. لە لایەکی ترەوە سزای قاچاغچیانی مەوادی موخەددیر کاردانەوەیەکی وای دەبێت کە بەرۆکی خانەوادەی زیندانیەکانیش دەگرێتەوە. رۆژی رابردوو ئەندامێکی کۆمیسیۆنی حقوقی و دادوەری مەجلیس بە ئیشارەکردن بە نەبوونی رێگری کردن لە سزای زیندان و کەم کردنەوەی روودانی تاوان، ووتی: هەر ئێستا شاهێدی بوونی رەوتێکی پڕ لە کەم و کوڕی و بەردەوام دووبارە کردنەوەی تاوانین لە وڵاتدا، کە گرتن و دەست بەسەر کردن نابێتە رێگر لەبەردەم تاوان کردندا.

 

 

 

 

 

22 رێکخراوی نێودەوڵەتی داوا لە ئێران دەکەن سزای لەسێدارەدان رابگرێت

 

22 رێکخراوی بەرگری لە مافەکانی مرۆڤ لەسەر ئاستی جیهان داوا لە رژیمی ئێران دەکەن، سزای لە سێدارەدان رابگرێت و ژمارەی ئەو کوردانەش ئاشکرا دەکەن کە بەهۆی بیروڕای ئایینی و سیاسیی لە ئێران لە زیندانن. ئەو 22 رێکخراوە نێودەوڵەتییە راگەیەندراوێکیان لەبارەی لەسێدارەدان لە ئێران بڵاوکردووەتەوە، لە بەشێکی راگەیەنراوەکەدا ئاشکرای دەکەن ” لەماوەی کەمتر لە مانگێکدا  24 کورد لەسەر بیر‌وڕای سیاسی، ئایینی ‌و مەزهەبی لە ئێران بەشێوەیەکی ناڕەوا و نادادپەروەر لەسێدارە دراون”. بەپێی راگەیەندراوەکە ” بەشێک لەو بەندکراوانە لەژێر ئەشکەنجە، فشار و لە زیندانی تاکە کەسی بە زۆر گوتەیان لێوەرگیراوە، دواجاریش بەتاوانی دژایەتیکردنی خوا‌ و، بەبێ لەبەرچاوگرتنی هیچ رێسایەکی مافەکانی مرۆڤ لە سێدارە دراون”. لەبەشێکی دیکەی راگەیەندراوەکە جەخت کراوەتەوە لەوەی “بەپێی زانیارییەکانی رێکخراوەکانی داکۆکیکەر لە مافەکانی مرۆف، ئێستا 915 کەس بە هۆکاری سیاسی، یان بیر‌وڕای ئایینی و مەزهەبی لەئێران گیراون، لەو ژمارەیەشیان 390 کەسیان کوردن”. لە کۆتایی راگەیەنراوەکەدا داوا لە وڵاتانی ئەندامی ئەنجوومەنی مافی مرۆڤی نەتەوەیەکگرتووەکان کراوە ” لەپێناو راگرتنی سزای لە سێدارەدان فشار بخەنە سەر کۆماری ئیسلامی ئێران”.

 

 

 

 

 

 

 

 

 

 

 

کرێکارانی شارەداری سەردەشت ماوەی ٣ مانگە مووچەیان وەرنەگرتووە

 

٢٠ ٨ کرێکاری شارەداری سەردەشت لە پارێزگای ورمێ ماوەی ٣ مانگە کە مووچەیان وەرنەگرتووە.ئەم کرێکارانە کە بەشێوەی قەراردادی یان ڕۆژکار لە شارەداریدا کار دەکەن ڕایانگەیاندووە هۆکاری نەدانی پارەکانمان کەمتەرخەمییەکانی شارەدارییە لە دابین کردنی سەرچاوەی ماڵی پێویست.بەپێی ئەم هەواڵە جگە لە نەدانی مووچە بە کرێکاران، شارەداری سەردەشت لە دانی پارەی بیمەی کرێکارەکانی بە "تامین اجتماعی" خۆی بواردووە و هەر بەم هۆیەشەوە ئیدارەی بیمەی سەردەشت دەفتەرچەی دەرمانییەکانیانی بۆ ماوەی مانگێک نوێ کردۆتەوە.بەپێی دوایین ڕاپۆرتە بڵاوکراوەکان کرێکاران لە ترسی دەرکران ناتوانن باسی کێشەکانیان بکەن و لە نیهادە کرێکارییەکان یان لە ڕێگەی ڕاگەیەنە گشتییەکانەوە بەدواداچوونی بۆ بکەنØ› بەتایبەت کە بەشێکیان بەشێوەی ڕۆژکار کار دەکەن و هیچ ئەمنیەتێکی کاری و پیشەییان نییە.

 

 

 

 

 

ڕووداوی کار بەردەوام گیانی هاووڵاتیان دەستێنێ

 

دابین نەکردنی ئەمنیەتی گیانی لە کاتی کاردا، لە پارێزگای کرماشان بەردەوام گیانی هاووڵاتیان دەستێنێ. بەپێی ڕاپۆرتی هەواڵدەریی کوردپا، لە بەهاری ئەمساڵەوە ١٤ کرێکاری کورد لە پارێزگای کرماشان بەهۆی ڕووداوی کارەوە گیانیان داوە. ئەم ڕێژە بە بەراورد لەگەڵ ماوەی زەمەنیی هاوشێوەی لە ساڵی رابردوودا، ١٦% زیادی کردووە. ڕەچاو نەکردنی ڕێوشوێنەکانی خۆپاراستن و نەبوونی یاسای پێوەندیدار، ساڵانە ڕووداوی لەم چەشنەی لێ دەکەوێتەوە. لە نوێترین ڕاپۆرتی دەزگای پزیشکی یاسایی پارێزگای کرماشاندا، ئاماژە بە بریندار بوونی ١٠ ٥ کرێکار لە ٣ مانگی یەکەمی ئەمساڵدا کراوە. ساڵی ڕابردوو ڕێژەی قوربانیانی ڕووداوەکانی کار لە بەهاردا، ١٢ کەس بوو. بەپێی بۆچوونی چالاکانی کرێکاری لە کرماشان، فێرکاری بۆ خۆپاراستن، بەتایبەت بۆ کرێکار و کارفەرماکان لە ئێران زۆر کەمە. وەزارەتی کاری ئێران ساڵی ڕابردوو ڕایگەیاندØ› تەنیا 10%ی کوژراوانی ڕووداوەکانی کار خاوەنیدڵنیایی کارن (بیمە).

 

 

 

 

سێ کاسبکاری سەردەشتی دەستبەسەر کران

 

‎ دەستبەسەرکردنی “کاسبکارانی سنووریی شاری سەردەشت” درێژەی هەیە و ئەمجارەیش سێ کەسی دیکە دەستبەسەر کراون.

بە پێی بەشی مافی مرۆڤی ناوەندی ڕۆژی کورد، لە درێژەی گوشار خستنە سەر کۆڵبەر و کاسبکارانی سەر سنوور،  کاژێر 11ی ڕۆژی یەکشەممە، 1ی خەرمانانی 1395ی هەتاوی، سێ کەس لە کاسبکارانی سنووریی خەڵکی گوندی “گولان”ی سەر بە شاری “سەردەشت” لە لایەن ” هێزەکانی ئاسایشی باژێڕی سەردەشت”ـەوە دەستبەسەر کراون.  “عەلی مەولان نیا”، “ئەحمەد مەولان نیا” و “عەلی عەلیزادە” لە سنووری ناوچەی “ئالان” لە لایەن هێزەکانی “ئاسایشی باژێڕی سەردەشت”ـەوە دەستبەسەر کراون. ئەو سەرچاوەیە هەروەها بە ڕۆژی کوردی ڕاگەیاند: “هێزەکانی ئاسایش”،  ئەم سێ کەسەیان لە حاڵێکدا دەستبەسەر کردووە کە ناوبراوان بە مەبەستی نوێکردنەوەی مۆڵەتی بەڵگەی سنووریان، سەردانی یەکێک لە ناوەندە ئەمنییەتییەکانیان کردووە و هەنووکە لە “بەندیخانەی کاتیی ئیدارەی ئاسایشی سەردەشت”دان. هەروەک پێشتریش لە هەواڵەکانی ناوەندی ڕۆژی کورد دا هاتبوو،  ڕۆژی پێنجشەممە 1ی پووشپەڕی 1395ی هەتاوی و بە هۆی ناڕەزایی دەربڕینی بنەماڵەکانی دوو برای کۆڵبەری کوژراوی گوندی گوێزیلێی سەر بە باژێڕی سەردەشت واتا ” لەتیف و ڕەئووف عەلیخانی”، سێ کەسی ئەو گوندە بە ناوەکانی “ئەبووبەکر و ناسێح عەلیخانی” و “عومەر عەبدوڵڵاپوور” لە لایەن هێزەکانی ئاسایشەوە دەستبەسەر کرابوون. ئەبووبەکر عەلیخانی لە کاتی دەستبەسەرکران بە تووندی ئەشکەنجە کرابوو بە جۆرێک کە دوای ئازادبوونی بە زوویی ڕاگواسترا نەخۆشخانە و پزشک ڕایگەیاندبو کە قامکی ناوبراو بە هۆی ئامێری گەرماییەوە سووتاوە. لە چەند مانگی ڕابردوودا، چەند گەنجێکی دیکە لە گوندەکانی ناوچەی “ئالان” بە هۆی مەترسی دەستبەسەرکران لە لایەن “ئیدارەی ئاسایشی سەردەشت”ەوە ئاوارە بوون و بەرەو شوێنی نادیار ڕایان کردووەو  تا ئێستا هیچ زانیارییەک سەبارەت بە یەکێک لەو گەنجانە بە ناوی “دانا ئیبراهیم نەژاد” لە بەردەستدا نییە.

 

 

 

داعش لە “سینا” چەکی ئێرانی بەکار دەهێنێت

 

بەپێی هەواڵی ماڵپەڕی “شەرقولئەوسەت”، ڕێکخراوی تیرۆریستیی داعش لە “سینا” چەکی ئێرانی بەکار دەهێنێت. شەرقولئەوسەت لەمبارەوە نووسیویەتی: “سینا پڕە لە چەکی جۆراوجۆر، تۆپخانەی ۱۴٠«µ و ۲۳ میلیمیتری لێیە، هەروسا موشەکی “گراد” و خۆمپارەی “ئار پی جی” و چەکگەلی “ئی ئێم 50 سییاد”ـی ئێرانی لێیە”. لەمبارەوە سەرهەنگ عادڵ ئەلعومدە، ڕاوێژکاری ئاکادمیی باڵای سەربازیی ناسر، بە شەرقولئەوسەتی گوتووە: “ئەو چەکانەی ئێران، زۆر بە سانایی لە لایەن گرووپە تووندئاژۆکانەوە دێنە ناو لیبی و لە لیبیشەوە لە ڕێگای زەوی و زەریا و بە قاچاغی دەچنە سینا و ئەوە وەک زنجیرێک پێکەوە لکاوە”. شەرقولئەوسەت لە درێژەی ڕاپۆرتەکەی خۆیدا دەڵێ: “کارناسێکی سەربازیی میسری لەمەڕ چەکەکانی “ئی ئێم 50 سییاد”ـەوە گووتوویەتی کە ئەو چەکە بە شێوەیەکی بەربڵاو لە لایەن چەکدارەکانی عێراق و حوسی لە یەمەن بوونی هەیە کە لە لایەن ئێرانەوە پشتگیری دەکرێن.” 

 

 

 

پەلامار بۆ سەر هێزە ئینتزامییەکان لە بۆکان، بریندارێکی لێکەوتەوە

 

‎ بەپێی هەواڵی ناوەندی ڕۆژی کورد کاتژمێر 3ی سەر لە ئێوارەی ئەمڕۆ دووشەممە 1ی جۆزەردانی 1395  لە گۆڕەپانی عەلی ئابادی باژێڕی بۆکان، هێرش کرایە سەر ماشێنێکی هێزەکانی ڕژیم. ئەو هێرشە لە لایەن کەس یان کەسانێک نەناسراوەوە ئەنجام دراوە و یەکێک لە هێزەکانی ڕژیم بە تووندی بریندار بووە. بە وتەی هەواڵنێری ناوەندی ڕۆژی کورد چەند کەسی نەناسراو بە چەک هەڵیانکوتاوەتە سەر ماشێنێکی هێزە ئینتزامییەکان و دەستڕێژێکی تووندیان لەو ماشێنە کردووە کە لە ئەنجامدا جیا لە زیانی زۆر بۆ ماشێنەکە، یەکێک لە هێزەکانی ڕژیم بە تووندی بریندار بووە.کەسانی هێرشبەر بە نیاز بوون کەسێکی زیندانی لەدەست ئەو هێزانە ڕژیم قوتار بکەن بەڵام سەرنەکوتوون. ئەوە دووهەم هێرش بۆ سەر هێز و دەست و پێوەندییەکانی سەر بەڕژیم لە باژێڕی بۆکان لە ماوەی 20 ڕۆژی ڕابردوودایە، ڕۆژی سێ شەممە ١٢ی گەلاوێژی ١٣٩٥ی هەتاوی، گرووپی تێکۆشەرانی ئاڵای سوور لە گەڕەکی فەرهەنگیانی شاری بۆکان، تەقەیان لە جاش خوسرەو خوسرەوی ناسراو بە “خوسرەو ساڵە چیمەن” و “عوسمان زارعی” دوو  بەکرێگیراوی ناوزڕاوی کۆماری ئیسلامی لە شاری بۆکان کە دەستیان لە شەهیدکردنی چەند پێشمەرگەی کۆمەڵەدا هەبووە کرد و لە ئاکام دا خوسرەو خوسرەوی ناسراو بە خوسرەوی ساڵە چیمەن کوژرا و عوسمان زارعی سەرهەنگی سوپای پاسداران بە سەختی بریندار بوو.

 

 

 

 

 کۆتایی ئۆلەمپیکی رییۆ بە پالەوانەتی ئە مریکا بە بە دە ست هێنانی 121 مێدال

 

 ئۆلە مپیکی 2016ی  رییۆ لە کاتیکدا کۆتایی پێ‌ هات ، کە ئامە ریکا بە وەدەست هێنانی 46 میداڵی زێر، پلەی یە کەمی وە رگرت .بریتانیا بە میدالیک زێری زیاتر لەچاو چین لە پلە ی دوهەم جێ‌ی گرت ، کاروانی وەڵاأتی ئێران لە پلە ی بیست و پێنجە م دا کۆتایی بە کارە کانی خۆی هێنا .بە پێ‌ی راپورتی بە هار نیوز ،ئۆ لە مپیکی 2016 ی رییۆ لە کاتێ‌ کۆتایی پێ هات کە ئە مریکا بە بە دە ست هێنانی 46 میداڵی زێر لە پڵەی یەکەم وێستا و بریتانیا بە میدالێک زێری زیاتر لەچاو چین لە پلە ی دوهە م جێی گرت. لە کۆتایی کێبەرکێی ئولە مپیکی 2016 ی رییۆ کاروانی ئە مریکا 46 میدالی زێری بە دست هێنا و بی کۆی 121میداڵ لە جێی یەکەم وێستا . لەم بەینە دا برێزیلی وەلاتی خانە خوێ بە 7 میدالی زێر ،6زیو، 6برۆنز و کۆی 19 میداڵ لە پڵە ی سێزدەهە مین جێی گرت ،  ئەو ئۆلەمپیکە جێگۆرکێی رێکورد و وەرگرتنی میدالێکی گرینگی لە لایەن وەرزیشکاران بەدواوە بوو  و شکاندنی رێکوردی رەزازادە لە بە رزکردنەوەی قورسایی بۆ کێشی قورس لە لایەن ورزشوانانی گرجستانی و بە دست هێنانی نۆهەمین میدالی زێری ئوسین بورت لە سێ‌ ئولە مپیکی یە ک لە دوای یە ک و وە رگرتنی 26 مین میداڵی زێری مەلەوانی ناوازەی ئە مریکایی مایکل فلیبس لەو حاڵەتە گرینگانە بوو کە روی دا .