بەرێوە چوونی رێورەسمی پرسە و سەرەخۆشی حاجی رەئوفی کەریمی لە وەلاتی نوروێژ

 

رۆژی یەکشەممە رێکەوتی 31ی گەلاوێژی 1395 بەرامبەر بە 21 ئوتی 2016، لە وەڵاتی نۆروێژ پرسەو سەرەخۆشی کاک رەئوفی کەریمی باوکی خاتوو کوێستانی کەریمی و خەزوری بەرێز و تێکۆشەر کاک بابەشێخی حوسێنی بەرێوەبەری گشتی سازمانی خەباتی کوردستانی ئێران، لە شاری فریدریکستادی وەڵاتی نۆروێژ بەرێوەچوو. 

بە سپاسەوە نوێنەری بەشێک لە هێز و لایەنە سیاسیەکانی به‌‌‌رێزی کوردستان و کوردانی دانیشتووی ئەو وەڵاتە بەشداری پرسەو ماتەمینیەکە بوون.

جێگەی ئاماژەیە ژمارەیەکی بەرچاو لە دۆستان و ئەندامانی کۆمیتەی نۆروێژ ئامادەی سەرەخۆشیەکە بوون.

به‌‌‌ ناوی کاک بابه‌‌‌شێخ حوسه‌‌‌ینی و کومیته‌‌‌ی نۆرۆێژ سپاسی نۆێنه‌‌‌ری حیزب و لایه‌‌‌نه‌‌‌ سیاسیه‌‌‌کانی کوردستانی ده‌‌‌که‌‌‌ین که‌‌‌ به‌‌‌شداری کۆری په‌‌‌ژاره‌‌‌ و ماته‌‌‌ممان بوون. 

کۆمیتەی نۆروێژی 

سازمانی خەباتی کوردستانی ئێران

21ی ئوتی 2016