سازمانی خه‌بات ی
کوردستانی
ئێران
کۆڵبەرێکی کورد بەهۆی تەقینەوەی مین لە مەرزی بانە، لاقێک و چاوێکی لەدەست دا.
ڕۆژی دوو شەممە 2ی ڕەشەممە، کۆڵبەرێکی تەمەن 24 ساڵ بەناوی فواد مێهدی ئیبراهیمیان خەڵکی سەردەشت کە لە مەرزی بانە خەریکی کۆڵبەری بوو، بەهۆی تەقینەوەی مین بەسەختی بریندار دەبێت و قاچێکی لەدەست دەدات و دەیگوازنەوە بۆ نەخۆشخانەی سەلاحەدینی ئەیووبی لە بانە.
ئەم کۆڵبەرە کە لەگەڵ 2 کۆڵبەری دیکە بەهۆی تەقینەوەی مین لە سنووری بانە بریندان دەبن، سەرەتا دەبرێنە نەخۆشخانەی شاری بانە و دوو ڕۆژ دواتر دەگوازرێتەوە بۆ نەخۆشخانەیەک لە شاری تەورێز و لەوێ نەشتەرگەری بۆ دەکرێت کە بەهۆی زۆری برینەکەی چاوێکیشی لەدەست دەدات.
