په‌یامی کومیته‌ی ناوه‌ندی به‌بۆنه‌ی ٨ی مارس ڕۆژی جیهانی ئافره‌تان

ئافره‌‌‌تانی قاره‌‌‌مان و نیشتمانپه‌‌‌روه‌‌‌ری ئێران و کوردستان!

چالاکانی تێکۆشه‌‌‌ری بواری ئافره‌‌‌تان!

پیرۆزبێ ٨ی مارس ڕۆژی جیهانی پرسی ئافرەتان لەسەرجەم کۆمەڵگا جیاوازەکان دا و ڕۆژی وەبیرهێنەرەوەی مێژویەک لە خەبات و تێکۆشانی بەرده‌‌‌وامی، بۆ دابینکردنی مافه‌‌‌کانیان و چه‌‌‌سپاندنی یه‌‌‌کسانی و دادپه‌‌‌روه‌‌‌ری له‌‌‌ نێوان مرۆڤه‌‌‌کان دا.
له‌‌‌ پێشوازی ئه‌‌‌م ڕۆژه‌‌‌ گرنگ و بایه‌‌‌خداره‌‌‌دا، ڕووبه‌‌‌ڕووی ئاسۆیەکی نوێ دەبینەوە لە پێشکەوتن و خواستە گەشەسەندووەکانی ئافره‌‌‌تان و پیداگرتنه‌‌‌وه‌‌‌ له‌‌‌ ڕێزگرتن له‌‌‌ به‌‌‌ها و مافه‌‌‌ ڕه‌‌‌واکانیان به‌‌‌ ئاقاری هه‌‌‌نگاونان به‌‌‌ره‌‌‌و کۆمه‌‌‌ڵگایه‌‌‌کی یه‌‌‌کسان و پێشکه‌‌‌وتوو.
خه‌‌‌باتی ڕه‌‌‌وای ئافره‌‌‌تان له‌‌‌ ئێران و کوردستان دا سه‌‌‌ره‌‌‌ڕای هه‌‌‌موو ڕێگری و له‌‌‌مپه‌‌‌ره‌‌‌ سه‌‌‌خت و دژواره‌‌‌کانی سه‌‌‌ر ڕێگه‌‌‌‌یان به‌‌‌رده‌‌‌وامه‌‌‌.
ئافره‌‌‌تانی خه‌‌‌باتکاری ئێران و کوردستان بوێرانه‌‌‌ داکۆکی له‌‌‌ مافه‌‌‌کانی خۆیان ده‌‌‌که‌‌‌ن و زوڵم و سته‌‌‌‌م و چه‌‌‌وسانه‌‌‌وه‌‌‌ی به‌‌‌رده‌‌‌وام له‌‌‌سه‌‌‌ریان، هه‌‌‌رگیز نه‌‌‌یتوانیوه‌‌‌ ببێته‌‌‌ هۆی ئه‌‌‌وه‌‌‌ی که‌‌‌ له‌‌‌ داوا ڕه‌‌‌واکانی خۆیان پاشگه‌‌‌ز ببنه‌‌‌وه‌‌‌.
له‌‌‌ناو بزوتنه‌‌‌وه‌‌‌ی ڕزگاری خوازیشدا ئافره‌‌‌تان بە دژی سیاسەتی چه‌‌‌وت و دوژمنکارانه‌‌‌ی ڕژیمی ئاخوندی کاردانەوەیان هەبووە و له‌‌‌سه‌‌‌نگه‌‌‌ری پێشه‌‌‌وه‌‌‌ی خه‌‌‌بات و به‌‌‌ربه‌‌‌ره‌‌‌کانی بوون و له‌‌‌ پێناوی ڕوخانی ئه‌‌‌م ڕژیمه‌‌‌دا هه‌‌‌وڵیان داوه‌‌‌وه‌‌‌ و تێکۆشاون.
ئافره‌‌‌تان له‌‌‌ ئێران و کوردستان دا بونه‌‌‌ته‌‌‌ قوربانی تاوانی بێشومار له‌‌‌ ژێر چه‌‌‌تری فکری توندڕه‌‌‌وی دواکه‌‌‌وتوانه‌‌‌ی ڕژیمی ئاخوندی و سه‌‌‌پاندنی هێژموونی پیاوسالاری، به‌‌‌ چه‌‌‌شنێ که‌‌‌ ئافره‌‌‌تان له‌‌‌ سه‌‌‌ره‌‌‌تایترین ماف و ئازادیه‌‌‌کانیان بێ به‌‌‌شکراون و ته‌‌‌نانه‌‌‌ت ڕێگه‌‌‌شیان پێ نادرێ که‌‌‌ به‌‌‌رگری له‌‌‌سه‌‌‌لامه‌‌‌تی و جه‌‌‌سته‌‌‌و ڕه‌‌‌گه‌‌‌زیان بکه‌‌‌ن. ئافره‌‌‌تان له‌‌‌ژێر ده‌‌‌سه‌‌‌ڵاتی ئه‌‌‌م سیاسه‌‌‌ته‌‌‌ نه‌‌‌گریس و دواکه‌‌‌وتوه‌‌‌دا ته‌‌‌نیا وه‌‌‌کوو ئامراز و کاڵا و کۆیله‌‌‌یه‌‌‌ک بۆ خزمه‌‌‌تکردن و په‌‌‌ره‌‌‌پێدانی دابونه‌‌‌ریتی پیاوسالاری و وخزمه‌‌‌تکاری مانه‌‌‌وه‌‌‌ی ئه‌‌‌م سیستمه‌‌‌ دیکتاتۆره‌‌‌ چاویان لێ ده‌‌‌کرێ.
سازمانی خه‌‌‌باتی کوردستانی ئێران وێڕای پیرۆزبایی به‌‌‌‌بۆنه‌‌‌ی هاتنی ٨ی مارس، پشتیوانی به‌‌‌رده‌‌‌وامی خۆی له‌‌‌ خه‌‌‌بات و تێکۆشانی ئافره‌‌‌تان دوپات ده‌‌‌کاته‌‌‌وه‌‌‌ و ڕووبه‌‌‌ڕووی هه‌‌‌ر جۆره‌‌‌ دژایه‌‌‌تی و به‌‌‌رپه‌‌‌رچدانه‌‌‌وه‌‌‌یه‌‌‌ک ده‌‌‌وه‌‌‌ستێته‌‌‌وه‌‌‌ که‌‌‌ له‌‌‌ ئاست خه‌‌‌بات و ماف و ئازادیه‌‌‌کانی ئافره‌‌‌تان دێته‌‌‌ ئاراوه‌‌‌.
بێگومان پشتیوانیکردن له‌‌‌ خه‌‌‌بات و تێکۆشانی ئافره‌‌‌تان و دابینبوونی ماف و داخوازییه‌‌‌کانیان به‌‌‌ یه‌‌‌کێک له‌‌‌ ئامانجه‌‌‌ گرنگه‌‌‌کانی ڕێگه‌‌‌ی خه‌‌‌باتی خۆمان ده‌‌‌زانین.
پێویسته‌‌‌ هه‌‌‌موو هێز و لایه‌‌‌نه‌‌‌ شۆڕشگێڕه‌‌‌کانی مه‌‌‌یدانی خه‌‌‌بات، له‌‌‌ دژی سیاسه‌‌‌تی نه‌‌‌گریسی ڕژیمی ئاخوندی و هەروه‌‌‌ها وشیارکردنه‌‌‌وه‌‌‌ی کۆمه‌‌‌ڵگای ئێران و کوردستان له‌‌‌سه‌‌‌ر پرسی ماف و ئازادیه‌‌‌کانی ئافره‌‌‌تان دا پێکه‌‌‌وه‌‌‌ کاربکه‌‌‌ن و هه‌‌‌وڵ بۆ جه‌‌‌ختکردنه‌‌‌وه‌‌‌و به‌‌‌ره‌‌‌وپێشبردنی خواست و داواکانی ئافره‌‌‌تان و هه‌‌‌وڵدان بۆ به‌‌‌شدارکردنێکی کاراتریان له‌‌‌ بواره‌‌‌ جیاوازه‌‌‌کاندا بده‌‌‌ن و پشتیوانیان لێ بکه‌‌‌ن.
پێویسته‌‌‌ هه‌‌‌موو لایه‌‌‌ک هانی ئافره‌‌‌تان بده‌‌‌ن، که‌‌‌ به‌‌‌پشت به‌‌‌ستن به‌‌‌ توانا جه‌‌‌سته‌‌‌یی و هزرییه‌‌‌کانی خۆیان، له‌‌‌ هه‌‌‌موو بواره‌‌‌کان دا بێنه‌‌‌ مه‌‌‌یدانه‌‌‌وه‌‌‌.
له‌‌‌م ڕۆژه‌‌‌دا یادی ئافره‌‌‌تانی کوردپه‌‌‌روه‌‌‌ر و خه‌‌‌باتگێڕ له‌‌‌بیر ناکه‌‌‌ین و سه‌‌‌ری ڕێز و نه‌‌‌وازش داده‌‌‌نوێنین و سڵاو بۆ گیانی پاکی شه‌‌‌هیدانی ئەو ڕێگه‌‌‌یە تا گه‌‌‌یشتن به‌‌‌ماف و ئازادیه‌‌‌کانی ئافره‌‌‌تان و نه‌‌‌ته‌‌‌وه‌‌‌که‌‌‌مان ده‌‌‌نێرین.

سازمانی خه‌‌‌باتی کوردستانی ئێران پیرۆزبایی له‌‌‌ ڕێکخراوی ئافره‌‌‌تانی سازمانی خه‌‌‌بات و سه‌‌‌رجه‌‌‌م رێکخراوه‌‌‌کانی ئافره‌‌‌تان و ژنانی کوردستان و سه‌‌‌رجه‌‌‌م چالاکوان و پیاوه‌‌‌ یه‌‌‌کسانیخوازه‌‌‌کان ده‌‌‌کاو خه‌‌‌باتیان به‌‌‌رز ده‌‌‌نرخێنێ.

بەرز و شکۆدار بێت ٠Šادى ٨ی مارس، ڕۆژی جیهانیی ئافرەتان.

سازمانی خه‌‌‌باتی کوردستانی ئێران
کومیته‌‌‌ی ناوه‌‌‌ندی
٨ی مارسی ٢٠ ٢٢