هێرشی مووشەکی بۆ سەر کونسووڵخانەی ئامریکا لە هەولێر

خەبات مێدیا: شەوی ڕابردوو ڕژیمی ئاخوندی ئێران بە 12مووشەک هێرشی کردە سەر کونسووڵگەری ئامریکا لە هەولێر.

شەوی یەک شەممە 22ی ڕەشەممە، هەواڵی هێرشی 12مووشەکی بالستیکی بۆ سەر کونسووڵخانەی ئامریکا لە شاری هەولێری پایتەختی کوردستانی عێراق، و بیستنی دەنگی تەقینەوەیەکی گەورە لەم شارە، بڵاو بوویەوە.
چارلێز لیستەر، لێکۆڵەر لە ناوەندی ڕۆژهەڵاتی ناوەڕاست، لە تویتێکدا نووسیویەتی کە سپای تیرۆریستی پاسداڕان چەند مووشەکێکی کورت مەودای لە نەوعی فاتێح -110ی لە بنکەیەکی نزیک لە تەورێز لە وڵاتی ئێران ئاڕاستەی کونسووڵخانەی ئامریکا لە هەولێر کردووە.
شایەنی باسە کە ڕژیمی ئاخوندی ئێران ئەو هێرشەی لەئەستۆ گرتووە و ئاماژەی بەوە داوە کە ئامانجیان لەو هێرشە بۆ سەر بنکە و بارەگاکانی ئیسڕاییل بووە، بەڵام بەهەڵە بەر کونسووڵحانەی ئامریکا لە هەولێر کەوتووە.