سازمانی خه‌بات ی
کوردستانی
ئێران
رۆژی سێشەممە رێکەوتی 3ی خەرمانانی 1394 هەیئەتێکی سەرکردایەتی سازمانی خەبات ی کوردستانی ئێران لە پرسەی شەهید فەر یدوون جوانرۆیی ئەندامی مەکتەبی سیاسی پارتی دیموکراتی کوردستان و بەرپرسی میحوەری خازری هێزی پێشمەرگە بەشدارییان کرد. رێورەسمی پرسە لە مزگەوتی جەلیل خەیات بە ئامادەبوونی بەرێز کاک نیچیرڤان بارزانی سەرۆکی حکوومەت و بەرپرسانی حکوومی و حیزبی هەرێمی کوردستان بەرێوە چوو. شاندێکی سەرکردایەتی سازمانی خەبات بە سەرپەرشتی بەرێز کاک بیهروز ئەردەلان کارگێری کومیتەی ناوەندی و بەرێزان کاک رێبوار حسێنی بەرپرسی پێوەندییە کوردستانیەکان و کاک جەلالی خۆشکەلام ئەندامی کومیتەی ناوەندی و بەرپرسی کومیتەی ئورووپای سازمانی خەبات ی کوردستان لە رۆژی یەکەمی پرسەی شەهید فەریدوون جوانرۆیی بەشدارییان کرد. هەیئەتی سازمان هەر بەو بۆنەوە لە نزیکەوە پرسە و سەرەخۆشی و هاوخەمی خۆی بۆ بەرپرسانی پارتی دیموکراتی کوردستان و ماڵباتی شەهید دەربڕی و لە رێگەی نامەی ماتەمینی و هاودەردی بەرێز کاک بابەشێخ حسێنی بەرێوەبەری گشتی سازمانی خەباتیان بە پرسە گێران گەیاند.
فەرەیدون جوانڕۆیی پێشمەرگەی هەردوو شۆڕشی ئەیلول و گوڵان بووە، جگە لە پێشمەرگایەتی، لە رووی سیاسییشەوە چەندین پلەی بڕیوە و لە کۆنگرەی سێزدەی پارتی دیموکراتی کوردستانیشدا بە ئەندامی مەکتەبی سیاسی هەڵبژێردرا. فرەیدۆن جوانڕۆیی لە ساڵی 1950 لە شاری جوانڕۆ لە رۆژهەڵاتی کوردستان لەدایکبووە و لە ساڵی 1967 پەیوەندی بە شۆڕشی ئەیلوولەوە کردووە.
لە کۆنگرەی 12ی پارتیدا بووە بە ئەندامی کۆمیتەی ناوەندیی و لە کۆنگرەی سێزدەش دا بووە بە ئەندامی مەکتەبی سیاسی و هاوکات سەرۆکی ئەنجوومەنی سەرکردایەتی پارتی دیموکراتی کوردستان بوو لە سلێمانی.
هەروەها لەگەڵ هاتنی تیرۆریستانی داعش بۆ سنوورەکانی هەرێمی کوردستانØ› جوانڕۆیی لە هەشتی ئابی 2014 بوو بە بەرپرسی میحوەری خازر و رۆڵی بەرچاوی لە تێکشکاندنی تیرۆریستانی داعش گێراوە.
