پەیامی پیرۆزبایی سکرتێری گشتی سازمانی خەبات بە بۆنەی جێژنی قوربانی پیرۆز

بەبۆنەی جێژنی قوربان بە ناوی خۆم و ڕێبواران و تێکۆشەرانی ڕیزەکانی سازمانی خەبات، گەرمترین پیرۆزبایی بە هاونیشتمانیانی موسڵمان لە کوردستان، ئێران و سەرانسەری جیهان پێشکەش دەکەم.
لە خوای گەورە داواکارم حەج و تاعەتی موسڵمانان قەبوڵ بکاو یارمەتی گەلی کورد و گەلانی ئێران بدات تا لە خەباتی ئازادیخوازی لە بەرانبەر دەسەڵاتی دیکتاتۆری ئاخوندی لە ئێران سەرکەوتوبن.
بەم بۆنەوە داوا لە خەڵکی کوردستان دەکەم سەردانی مەزاری شەهیدانی ڕێگەی ئازادی و رزگاری کوردستان و خانەوادەکانیان بکەن و بە بەسەرکردنەوەی خانەوادەی زیندانیانی سیاسی کورد ئەرکی نیشتمانی و نەتەوەیی و ئایینی خۆیان بە جێ‌ بگەێنن.
بە هومێدی ڕوخانی دەسەڵاتی ملهوڕی ئاخوندی و دامەزران و جێگیر بوونی حکومەتێکی ئازاد و دیموکرات لە ئێراندا تا لە سایەی دەسەڵات و حکومەتی ئازادو دادپەروەر، گەلی کوردو گەلانی ئێران بە مافەکانیان بگەن و کۆتایی بە دەسەڵاتی یەک ڕەهەند و دەستەیی و خۆسەپێن بێ‌.
لە گەڵ پیرۆزبایی دووبارە
سازمانی خەبات ی کوردستانی ئێران
سکرتێری گشتی
بابەشێخ حوسەینی
17 ی پووشپەڕی 1401 کۆچی خۆری