سازمانی خه‌بات ی
کوردستانی
ئێران
یادی شەهید مەنسور فیدایی
نووسینی سیامەند
کاتێک کوردستان نیشتمانی کورد داگیرکراوەو هیچ تاکێکی کورد لە شارو گوندی نیشتماندا هەست بە ئاسوودەیی ناکا وە هەموو کات چاوی بە داگیرکەری بەدفەساڵی و قێزەون دەکەوێ، ناتوانێ ئاسودەو دڵخۆش بێ.
هەر ڕۆڵەێکی کورد تەنانەت ئەگەر دەخۆێنێ و ژیانی دەگاتە قۆناغێکی باشتر و دەتوانێ ماڵێک و شۆێنی ژیان و حەوانەوەێک پێک بێنێ، بەڵام هەر ناتوانێ ئاسودە بێ، وە ستەم و بێدادی دوژمن، ئارامی لێ هەڵدەگرێ.
لە ماوەی چل و یەک ساڵ حوکمی ناڕەوای ئاخوندەکاندا، خەڵکی کوردستان لە گەڵ قورسترین ستەم و بێدادی بەرەوڕوون، بە تایبەت کچان و کۆڕانی لاو، زیاتر لە چینو تۆێژەکانی دیکەی کۆمەڵگەی کوردەواری ستەمیان بەرانبەر دەکرێ و دەچەوسێنەوە. ئەو گشتە ستەم و بێعەداڵەتیە بەرانبەر بە هاونیشتمانیانی کوردستان، بۆتە هۆی هەستی بەربەرەکانی و بڕیاڕ بۆ تێکۆشان لە بەرانبەر حکومەتی سەرەرۆ٠ی ئاخوندی و بەکرێگیراوانی لە کوردستان.
لە دوای فەرمانی خومەینی لە 28 گەلاوێژی ساڵی 1358 کۆچی خۆری، دانیشتوانی کوردستان چ بە شێوەی ئاشکراو بە هەڵگرتنی چەکی شەرەف و خۆڕاگری و یا لە چوارچێوەی کارو تێکۆشانی سیاسی و کۆمەلایەتی و نەتەوەیی لە ناوخۆدا، کەوتنە بەرەبەرەکانی دەسەڵاتی داگیرکەرو دژی گەلی ئاخوندەکان. لە ماوەی چل ساڵ خەبات و کۆڵنەدانی گەلی کورد، سەدان ڕۆڵەی تێکۆشەرو خاوەن هەستی نیشتمان گیانی بەرزیان و خۆێنی گەشیان فیدا کردوەو بە خۆێنی سووریان دێر٠Ž دێڕی داستان و حەماسەو کۆڵنەدانی گەلی کورد، لە لاپەرەکانی مێژووی سەرهەڵدان و خۆڕاگری نووسراوەتەوە.
یەکێک لەو شەهیدە سەربەرزانە کاک مەنسور فیدایی کوڕی کاک محمود خەڵکی شاری بانە لە کوردستانی ئێرانە.
کاک مەنسور لە ساڵی 1335 کۆچی خۆری لە خانەوادەێکی ژیان مام ناوەند هاتە دونیا، قۆناغی منداڵی و دەرس خۆێندنی هەر لە شاری بانە بوو، دوای تەواو کردنی خۆیندن وەک مامۆستای مەدرەسە لە چەند گوندی ناوچەی بانە دەرسی بە منداڵانی کورد دەوتەوە. بە دست پێکردنی شۆ٠رشی خەڵکی ئێران و کوردستان لە بەرانبەر ڕژیمی شا، کاک مەنسور یەکێک لە لاوە چالاکەکان بوو. لە دوای سەرکەوتنی شۆڕشی خەڵکی کوردستان وئێران بە سەر دیکتاتۆری شاە دا، چەندین ئەرکی لە کومیتەی کاتی بەرێوەبەری شاری بانە پێ سپێردرا. لە دوای هاتنە سەر دەسەلاتی ڕژیمی خومەینی و هێرشی پاسدارەکانی ئەو ڕژیمە درندەیە بۆ سەر کوردستان و گەلی کورد، کاک مەنسور وێڕای کاک مەجید فیدایی برای، چەکی هەڵگرت و لە ڕیزی پێشمەرگەکانی سازمانی خەبات(دەفتەری مامۆستا)ی ئەو کات، تێکۆشانی دەست پێکرد. دوای ماوەێ نزیک بە ساڵێک پێشمەرگەیی، کاک مەنسور چوەوە بۆ ناو شارو لە گەڵ بەڕێ کردنی کارو ژیانی شەخسی لە تێکۆشان بەرانبەر ڕژیمی ئاخوندی بەردەوام بوو.
لە سەرەتای ساڵی 1370 کۆچی خۆری و بە مەبەستی خزمەت بە جوتیاران و باغدارانی کوردستان بە گشتی و ناوچەی سەردەشت و بانە،هەوڵیدا کارخانەێکی ئاو میوە لە ناوچەی بانەو لە نزیک گوندی زەروای خوارو دروست بکات بەڵام بە هۆی خەیانەتی چەندین کەس و هەروەها بەکرێگیراوانی ڕژیم،نەیتوانی کارخانەکە بخاتە گەڕ.
لە بە هاری ساڵی 1372 کۆچی خۆری کاک مەنسور فیدایی، بە هۆی فشارەکانی ڕژیم و هەروەها بە هۆی سەرنەکەوتنی لە دروست کردنی کارخانەی ئاومیوەگری،هاتەوە ڕیزی پێشمەرگەکانی سازمانی خەبات و لە دوای تەواو کردنی ڕاهێنان و دەورەی سیاسی و پێشمەرگەیی لە مەڵبەندی یەکی سازمان چەکی پێشمەرگەیی لە شان کرد.شەهید کاک کامەنسور زیاتر لە ئەرک و کاروباری ناو بنکەی مەڵبەندو هەروەها کاری تەبلیغی چالاک بوو. شەهید مەنسور پێشمەرگەێکی قسە خۆش و مەجلیس ئاوەدان بوو و هەموو کات هەوڵی دەدا قسەی ناخۆش و زبر بەرانبەر بە هەواڵانی بە کار نەهێنێ.
زۆر بە داخەوە لە دوای دوو ساڵ پێشمەرگەیی و کار لە سازمانی خەبات لە ساڵی 1374 کۆچی خۆری لە لایەن ترۆریستانی رژیمی دیکتاتۆری ئاخوندی شەهید کراو گیانی بووە فیدای ئازادی گەل و نیشتمان و بە خۆێنی سووری، ڕەوایی شۆرشی بەرانبەر رژیمی ستەمگەرو ملهوری ئاخوندی بۆ جارێکی دیکە سەلماندەوە.
هەرزاران سڵاو لە گیانی پاکی شەهید کاک مەنسور فیدایی و تێکڕای شەهیدانی سورخەڵاتی سازمانی خەبات وشەهیدانی رێگەی ئازادی
21 ی ڕەشەممەی 1398 ی کۆچی خۆری نوسراوە
