خەباتمێدیا: بارودۆخی قەیراناویی گۆلی ورمێ بە هۆی کەمتەرخەمی دەسەڵات و کەمبوونەوەی بارین ڕۆژ لەدوای ڕۆژ خراپتر دەبێت و چاوەڕێ ناکرێ کە ئەم کێشەیە چارەسەر بکرێ.
هاوکات بەرپرسانی پارێزگای ورمێ، دەیانهەوێ هەموو چاڵاوەقووڵەکان کە لەلایەن خەڵکی گوندەکانی نزیک بەم دەریاچەیە هەڵکەندراوە، پڕ بکەنەوە.
بە پێی ڕاپۆرتەکان پانتایی دەریاچەی ورمێ، بە هۆی کەمبوونەوەی باران و نەبوونی بەرنامەیەکی داڕێژراو لە ماوەی مانگی سەرماوەزی ساڵی 1401، لە چاو ساڵی ڕابردوو هەر ئەم کاتانە، 242 کیلۆمەتر کەم بۆتەوە.
لەلایەکی دیکە بە پێی وتەی بەرپرسانی پارێزگای ورمێ، بڕی پارەیەکی دیاریکراو لەلایەن دەسەڵات بۆ زیندووکردنەوەی ئەم دەریاچەیە دیاری نەکراوە و ئەمە دەبێتە هۆی وشکبوونی گەورەترین دەریاچەی سوێری جیهان و لە ئەگەری وشکبوونی ئەم دەریاچەیە ، گەورەترین قەیرانی ژینگەیی لە ناوچەکەدا ڕوو دەدات و دەبێتە هۆی گواستنەوەی زۆرەملێی خەڵکی ناوچەکە و هەزاران میلیارد دۆلار، خەساری ئابووری لێ دەکەوێتەوە.
