ڕاوێژی وەزیری بەرگری ئیسرائیل و ڕاوێژکاری ئەمنیەتی ئامریکا لەسەر هەڕەشە ناوکەییەکەی ڕژیم

بێنی گێنتس، وەزیری بەرگری ئیسراییل و جەک سالیوان، ڕاوێژکاری ئەمنیەتی ئامریکا، دوای دیدار و چاوپێکەوتن لە کۆشکی سپی لەسەر هەڕەشە ناوکەییەکانی ڕژیمی ئێران و بشێوی درووست کردنی ڕژیمی ئێران لەناوچەکە وتووێژیان کرد.
بەپێی ڕاگەیاندنی وەزارەتی بەرگری ئیسراییل، ئەم چاوپێکەوتنە زیاتر لەسەر هەڕەشە ناوکەییەکانی ڕژیمی ئێران بۆ سەر ناوچەکەیە.
جێی ئاماژەیە کە وەزیری بەرگری ئیسراییل لەم دیدارەدا تەئکیدی لە زەروورەتی هاوکاری نزیک بوونەوەی وڵاتەکەی لەگەڵ ئامریکا بۆ ئامادەکردنی سیناریۆ جۆراوجۆرەکانی داهاتوو لە پەیوەند بە ڕژیمی ئێران کردەوە.
هەروەها بێنی گێتس لە تویتێک دا نووسیویەتی: لەگەڵ ڕاوێژکاری ئەمنیەتی نیشتیمانی ئامریکا لەسەر هەڕەشە بەردەوامەکانی ڕژیمی ئاخوندی بۆ جیهان، ناوچەکە و ئیسرائیل لە لایەن بەرنامە ناوکەییەکەی و پێشێلکارییەکانی ڕژیم لەلایەن هێزە چەکدارەکانی، هێرشی سایبەری و هەروەها ڕێگاکانی دروست کردنی بەرەیەکی یەکگرتوو دژ بە گەورەترین هێزی ناسەقامگیری ناوچەکە، وتووێژمان کرد.
دوولایەن هەروەها لەسەر گەشتەکەی جۆبایدێن بۆ ئیسراییل و ئەو هەنگاوانەی بۆ پتەو کردنی هاوکاری ئامریکا و ئیسراییل و پەرە پێدانی پەیوەندیە ناوچەییەکان هەڵگیراون وتووێژیان کرد.
شایەنی باسە کە، دیداری شاندی سەربازی ئیسراییل لە ئامریکا لەدوای گەشتەکەی جۆبایدێن بۆ ناوچەی ڕۆژهەڵاتی ناوەڕاست، لەحاڵێکدا ڕوو دەدات کە بە پێی ڕاپۆرتی کاناڵ 12ی ئیسراییل، بڕیارە دوو وڵات لە مانگی داهاتوو لە مانۆڕێکی هاوبەشی بەرفراوان، هێرش بۆ سەر دامەزراوە ناوکەییەکانی ڕژیمی ئێران هاوشێوە سازی بکەن.
ئەم کردەوە لەحاڵێکدا ڕوو دەدات کە وتووێژەکانی بەرجام بێ هێچ ئەنجامێکی دیاری کراو کۆتایی پێهاتووە.