سازمانی خه‌بات ی
کوردستانی
ئێران
خەباتمێدیا: لە سێهەمین ساڵوەگەڕی ئیعدامی نەوید ئەفکاری زۆرانبازی شیرازی, هێزەکانی رژیم حەبیب ئەفکاری و هاوسەرەکەی و ئیلهام ئەفکاری, دەستبەسەر کرد.
لاپەڕی تویتەری"۱µ۰۰ وێنە(۱µ۰۰تصویر)" کە تایبەتە بە ناڕەزایەتییەکان و پێشێل کردنی مافەکانیان, وێڕای ڕاگەیاندنی ئەم هەواڵە نووسی: ئەم بنەماڵە کە لە حاڵی ڕۆیشتن بۆ سەر گوڵگۆی نەوید بوون, کەتنەبەر پەلاماری هێزەکانی رژیم و دەستبەسەر کراون.
هەروەها ڕۆژی دووشەممە ۲۱ی خەرمانان سەعید ئەفکاری, یەکێکی دیکە لە براکانی نەوید لە تویتەری خۆی فایلێکی دەنگی لە دەمەقاڵەی براکانی لە دادگا وە لەگەڵ قازی پەروەندەکە بە ناوی "مێهرداد تەهمتن" بڵاو کردۆتەوە کە لەوێدا نەوید داوای دادوەری دادپەروەرانە بۆ خۆی و براکانی دەکات.
بەپێی سەرچاوەکانی هەواڵ لە دوای پەرەسەندنی پشتیوانیەکان بۆ خانەوادەی ئەفکاری ئەو سێ ئەندامەی خانەوادەکەیان لەلایەن ئورگانە سەرکوتگەرەکانی رژیمەوە ئازاد کران.
