ڕاگه‌یاندراوی ژماره‌ ١ له‌ په‌یوه‌ند به‌ هێرشی ئاسمانی بۆ سه‌ر هێرشی باره‌گاو که‌مپی به‌شێک له‌ هێزه‌کانی کوردستانی ئێران

هاونیشتمانیانی تێکۆشه‌‌‌ر !
هێز و لایه‌‌‌نە سیاسیه‌‌‌کانی کوردستان !
ناوه‌‌‌نده‌‌‌کانی مافی مرۆڤ !

پاش هێرشی، چڕی چه‌‌‌ند ڕۆژه‌‌‌ی تۆپخانه‌‌‌کانی سوپای تیرۆریست و جینایه‌‌‌تکاری پاسداران، بۆ سه‌‌‌ر ناوچه‌‌‌ سنووریه‌‌‌کانی هه‌‌‌رێمی کوردستان و زیانگه‌‌‌یاندن به‌‌‌ مڵک و ماڵی هاووڵاتیانی هەرێمی کوردستانی عێراق لەو ناوچه‌‌‌ سنووریانه‌‌‌، ئه‌‌‌مڕۆ چوارشه‌‌‌ممه‌‌‌ ٧ی ڕه‌‌‌زبه‌‌‌ر، ناوه‌‌‌ندو باره‌‌‌گاو شوێنی حه‌‌‌وانه‌‌‌وه‌‌‌ی بنه‌‌‌ماڵه‌‌‌و کەسانی سڤیل و هه‌‌‌روه‌‌‌ها قوتابخانه‌‌‌و زۆر ناوه‌‌‌ندی دیکه‌‌‌ی هێزه‌‌‌کانی کوردستانی ئێران، له‌‌‌ زڕگوێز، کۆیه‌‌‌ و پردێ، له هه‌‌‌رێمی کوردستان، که‌‌‌‌وتونه‌‌‌ته‌‌‌ به‌‌‌ر هێرشی سه‌‌‌‌خت و به‌‌‌رده‌‌‌وامی بۆردومانی فڕۆکه‌‌‌ی بێ فڕۆکه‌‌‌وان و هێرشی مووشه‌‌‌کی سوپایی جینایه‌‌‌تکاری پاسداران و به‌‌‌ داخه‌‌‌وه‌‌‌ به‌‌‌پێی هه‌‌‌واڵه‌‌‌ سه‌‌‌ره‌‌‌تاییه‌‌‌کان، شه‌‌‌هید و بریندار هه‌‌‌ن.

ئه‌‌‌و هێرشه‌‌‌ دوژمنکار و تیرۆرستیه‌‌‌ی سوپای پاسداران له‌‌‌ کاتێکدایه‌‌‌ که‌‌‌ نزیک به‌‌‌ ١١ ڕۆژه‌‌‌ خه‌‌‌ڵکی تێکۆشه‌‌‌ر و ئازادیخوازی ئێران و کوردستان، هاوکات له‌‌‌سه‌‌‌ر داوای هێزه‌‌‌ ئۆپزیسیۆنه‌‌‌کانی دژبه‌‌‌ری ڕژیمی ئاخوندی و بۆ پشتیوانی کردن له شه‌‌‌هیدکردنی ژینا(مەهسا) ئه‌‌‌مینی، به‌‌‌ده‌‌‌ستی قاتیلانی ده‌‌‌زگای ئیرشاد، مانگرتن و ئیعترازاتی جەماوەریی له‌‌‌ کوردستان مەڵبەندی ڕاپه‌‌‌رینه‌‌‌وه‌‌‌ ده‌‌‌ستی پێکردو ئێستا سه‌‌‌رجه‌‌‌م شار و شارۆچکه‌‌‌کانی ئێرانی گرتۆته‌‌‌وه‌‌‌.

بێگومان خه‌‌‌بات و تێکۆشانی به‌‌‌رده‌‌‌وامی جه‌‌‌ماوه‌‌‌ری ڕاپه‌‌‌ریوی ئێران و کوردستان ڕژیمی ئاخوندی وه‌‌‌له‌‌‌رزه‌‌‌ هێناوه‌‌‌و له‌‌‌ زۆربه‌‌‌ی شاره‌‌‌کاندا شوێنه‌‌‌ گشتیه‌‌‌کان که‌‌‌وتونه‌‌‌ته‌‌‌ ژێر کۆنتڕۆڵی لاوان و ڕاپه‌‌‌ریوان.
ڕژیمی ئاخوندی به‌‌‌و هێرشه‌‌‌ دژی ئینسانیانه‌‌‌ی بۆ ده‌‌‌ره‌‌‌وه‌‌‌ی سنووره‌‌‌کانی خۆی هه‌‌‌وڵ ده‌‌‌دا، کاریگه‌‌‌ری ناڕەزایەتیەکانی ناوخۆ که‌‌‌مکاته‌‌‌وه‌‌‌ و سه‌‌‌رنجی ناوه‌‌‌نده‌‌‌ جیهانی و ده‌‌‌وڵه‌‌‌تان بۆ ئه‌‌‌و هێرشه‌‌‌ دوژمنکاریانه‌‌‌ به‌‌‌ بیانووی بوونی هێزی پیشمه‌‌‌رگه‌‌‌ له‌‌‌ گردبونه‌‌‌وه‌‌‌ و ناڕه‌‌‌زایه‌‌‌تیه‌‌‌کانی ناوخۆ ڕابکێشێ.

سازمانی خه‌‌‌باتی کوردستانی ئێران، وێڕای مه‌‌‌حکومکردنی توندی ئه‌‌‌و هێرشه‌‌‌ دوژمنکارانه‌‌‌ی سوپای پاسدارن، داوا له‌‌‌ ده‌‌‌وڵه‌‌‌تی عێراق و حکومه‌‌‌تی هه‌‌‌رێمی کوردستان، هه‌‌‌روه‌‌‌ها ناوه‌‌‌نده‌‌‌کانی مافی مرۆڤ و ده‌‌‌وڵه‌‌‌تانی جیهان ده‌‌‌کا که‌‌‌ له‌‌‌ په‌‌‌یوه‌‌‌ند به‌‌‌و هێرشانه‌‌‌ هه‌‌‌ڵوێستی جددیان هه‌‌‌بێ و ڕێگه‌‌‌ به‌‌‌ ڕژیمی ئاخوندی نه‌‌‌ده‌‌‌ن که‌‌‌ هه‌‌‌م له‌‌‌ ناوخۆی سنووره‌‌‌کانی خۆی و هه‌‌‌میش له‌‌‌ هه‌‌‌رێمی کوردستان درێژه‌‌‌ به‌‌‌و هێرشه‌‌‌ دژی ئینسانیانه‌‌‌ بدات کە خه‌‌‌ڵکی سڤیل و هاونیشتمانیان ده‌‌‌بنه‌‌‌ قوربانی.

بروخێ ڕژیمی ئاخوندی ئێران!

سازمانی خه‌‌‌باتی کوردستانی ئێران
کومیته‌‌‌ی ناوه‌‌‌ندی