کۆمەڵگەی کوردستان و ئێران بووەتە گڕکانێک دژ بە دەسەڵاتی ئاخوندان

شەوی پێنج شەممە ۲۱ی ڕەزبەری ۱۴۰۱ هەتاوی ڕاپەڕینەکان لە زۆربەی شار و ناوچەکانی کوردستان و ئێران بەڕێوە چوو. لە تارانی پایتەخت; لە وەلیعەسر, شەهریار, شەهر زیبا, کاشانی, نازی ئاباد, مەیدانی ئۆلەمپیک, فیردەوسی، هەروەها لە کەرج, تەبەس, لورستان, ئەراک, قوم، ئەهواز، ساری، زەنجان، ئیسفەهان، لە کوردستانی ئێرانیش لە شارەکانی ئیلام, کرماشان, سەقز, بۆکان، مەریوان, سنە, جوانڕۆ و دیواندەرە، مەهاباد، بانە، جوانرۆ و زۆر ناوچەی دیکە رق و توورەیی خەڵکی بێزار لە ستەم و بێ عەداڵەتی ئاخوندان وەکوو گڕکانێک لە شەقام و خیابانەکاندا کڵپەی دەکرد و بەو پەڕی قارەمانەتی و لێبڕاویەوە بەرەوڕووی هێزە سەرکوتگەرەکانی رژیمی ئاخوندی دەبوونەوە.
لە ڕۆژی چوارشەممە و پێنج شمەممه ۲۰ و ۲۱ی ڕەزبەر لە ئاکامی دەستڕێژی هێزەکانی رژیم لەلاوان لە شاری کرماشان دوو کەس لە لاوانی ڕاپەڕیو بە ناوەکانی سینا نادری و ئارمین سەیادی و لە بۆکان کەماڵ فەقیهی کوڕی محەممەد، لە سنە قەزیز مورادی هەروەها موحسین موسەوی لە تاران و عەلی بەراهونی خەڵکی دۆزابی زاهیدان کە قوتابی پۆلی نوهەم و ۱µ ساڵ تەمنی بوو بە تەقەی ڕاستەوخۆی هێزە تیرۆریستەکانی ڕژیم گیانی بخەتی ڕێگای ئازادی بوون.
هەروەها چەندین کەسایەتی مەدەنی وەک محەممەد نەجاری خەڵکی مەریوان و دوو خۆشک بە ناوەکانی ڕۆژین و ڕۆیا دەولەتی خەڵکی شاری بانە و میلاد میرزایی تەمەن ۱۸ ساڵ و خەڵکی شاری سەقز و منسوور جەسووری خەڵکی شنۆ و چەند کەسی دیکە لە لایەن هێزە تیرۆریستە سەرکوتکەرەکانی ئیتلاعات بۆ شوێنی نادیار گوازرانەتەوە.
شایانی باسە چەندین جاش و سیخۆڕ هەر لەو ماوەیەدا لە لایەن خەڵکی بوێر و ڕاپەڕیو بە سزای خۆفرۆشی و خیانەتی خۆیان بە نەتەوە و نیشتمان گەیەندراوە و ژمارەیەک لە هێزە بەکرێگیراوەکانیش بریندار کراوەن.