فشاری کۆمارییەکان بۆ سەر بایدن لەسەر سیاسەتی بەرامبەر بە ئێران

خه‌‌‌باتمیدیا: ڕۆژنامه‌‌‌ی نیویۆرک تایمز ڕۆژی شەممە ١٤ی خه‌‌‌زه‌‌‌ڵوه‌‌‌ری ١٤٠ ١ی هه‌‌‌تاوی لە ڕاپۆرتێکدا سەبارەت بە ڕۆڵی چالاک و کاریگه‌‌‌ری کۆماریه‌‌‌کان له‌‌‌ هه‌‌‌ر یه‌‌‌ک له‌‌‌ ئه‌‌‌نجومه‌‌‌نی نوێنه‌‌‌ران و ئه‌‌‌نجومه‌‌‌نی پیران، له‌‌‌سه‌‌‌ر ناڕازی ده‌‌‌ربڕین و فشارخستنه‌‌‌ سه‌‌‌ر ئیداره‌‌‌ی بایدن له‌‌‌مه‌‌‌ڕ ئه‌‌‌و سیاسه‌‌‌ته چه‌‌‌وته‌‌‌ی که‌‌‌ به‌‌‌رامبه‌‌‌ر به‌‌‌ ڕژیمی ئێران گرتویه‌‌‌ته‌‌‌ به‌‌‌ر نووسیویه‌‌‌تی:
کۆمارییەکان لە هەردوو ئەنجومەنەکەدا چاوەڕێی ئەوەن فشار بخەنە سەر ئیدارەی بایدن لەسەر سیاسەتەکەی بەرامبەر بە ئێران. زۆرێک لە کۆمارییەکان ڕەخنەیان لە بایدن گرتووە، که‌‌‌ بۆچی تاکو ئێستا به‌‌‌پێێ پێویست پشتیوانی له‌‌‌ خۆپیشاندانه‌‌‌کانی گه‌‌‌لانی ئێران نه‌‌‌کردوه‌‌‌ که‌‌‌ دژی ڕژیمی ئاخوندی، له‌‌‌ شه‌‌‌قامه‌‌‌کاندا داوای مافه‌‌‌کانی خۆیان ده‌‌‌که‌‌‌ن.
مارک دوبۆڤیتز، بەڕێوەبەری جێبەجێکاری دامەزراوەی بەرگری لە دیموکراسیەکان، داوای فشاری بێوچان بۆ سەر حکومەتی ئێران دەکات، و وتی: کۆمارییەکان پرسی ئێران لە واشنتۆن کارا دەکەنەوە. ناوبراو ئاماژه‌‌‌ی به‌‌‌وه‌‌‌ کرد که‌‌‌ کۆماریه‌‌‌کان چی دیکه‌‌‌ بیده‌‌‌نگ نابن و داواکاری و پڕۆژه‌‌‌ی به‌‌‌رده‌‌‌وام بۆ هه‌‌‌ردوو ئه‌‌‌نجومه‌‌‌نه‌‌‌که‌‌‌ به‌‌‌رز ده‌‌‌که‌‌‌نه‌‌‌وه‌‌‌ و پێشنیاری سزاکان بۆ سه‌‌‌ر ئێران ده‌‌‌خه‌‌‌نه‌‌‌ ڕوو.
هاوکات پێشکەوتنی کۆمارییەکان لە کۆنگرێس هەوڵەکانی بایدن بۆ زیندووکردنەوەی ڕێککەوتنە ئەتۆمییەکەی ئێران لە ساڵی ٢٠ ١٥ کە ترەمپ لێی کشایەوە، زیاتر ئاڵۆزتر دەکات. دانوستانە نێودەوڵەتییەکان بۆ زیندووکردنەوەی ڕێککەوتننامەکە ماوەی چەند هەفتەیەکان ڕاگیراون و کاربەدەستانی بایدن گومانیان دەربڕیوە کە تاران لە بەرامبەر سووککردنی سزاکاندا جارێکی تر واز لە پرۆگرامی ناوکی خۆی بێنێت.
جێگه‌‌‌ی باسه‌‌‌ پێشەنگییەکی گەورە لەلایەن کۆمارییەکان لە ئەنجومەنی پیرانی ئەمریکادا دەتوانێت بنبەستێکی کارا له‌‌‌ سیاسه‌‌‌تی بایدن دژ به‌‌‌ ئێران و به‌‌‌رده‌‌‌وامی له‌‌‌ ڕێکه‌‌‌وتنی ئه‌‌‌تۆمی ڕژیم دروست بکات.
بەپێی پڕۆژە یاسایەک کە لە ساڵی ٢٠ ١٥ لە لایەن کۆنگرێسەوە پەسەند کرا، ئەنجوومەنی نوێنەران و ئەنجومەنی پیران دەتوانن دەنگ بە دژی پەسەندکردنی ڕێککەوتنی ئەتۆمی لەگەڵ تاران بدەن، ئەمەش ڕێگری لە بایدن دەکات بۆ هەڵگرتنی گەمارۆکانی سەر ئابووری ئێران کە کۆنگرێس پێشتر سەپاندبووی.
له‌‌‌ درێژه‌‌‌ی ئه‌‌‌و ڕاپۆرته‌‌‌دا ئاماژه‌‌‌ به‌‌‌وه‌‌‌ کراوه‌‌‌ که‌‌‌ گەڕانەوەی چاوەڕوانکراوی بنیامین ناتانیاهۆ وەک سەرۆک وەزیرانی ئیسرائیل کە پەیوەندییەکی نزیکی لەگەڵ سەرکردەکانی کۆنگرێسی کۆمارییەکان هەیە، کاریگه‌‌‌ری ئه‌‌‌رێنی ده‌‌‌بێ له‌‌‌سه‌‌‌ر به‌‌‌رده‌‌‌وامی فشاره‌‌‌کان بۆ ئیداره‌‌‌ی بایدن له‌‌‌سه‌‌‌ر پرسی ئێران.