سازمانی خه‌بات ی
کوردستانی
ئێران
یەکێک لەو قسانەی لەم رۆژانەدا بەمترسی دەزانن و بەردەوام دەیڵێنەوە، مەترسی "شەڕی نەرم و نهێنی دژمنە" کە ئاخوندانی دەسەڵاتدار لەو بارەوە وریایی دەدەن. ئەو مەترسیە لە ئێستادا ئەوندە هەست پێ دەکرێ کە خودی ئاخوند خامنەیی رێبەری رژێم رۆژی 12ی ڕەزبەر هاتەگۆ و وتی:
یەکێک لەو قسانەی لەم رۆژانەدا بەمترسی دەزانن و بەردەوام دەیڵێنەوە، مەترسی "شەڕی نەرم و نهێنی دژمنە" کە ئاخوندانی دەسەڵاتدار لەو بارەوە وریایی دەدەن. ئەو مەترسیە لە ئێستادا ئەوندە هەست پێ دەکرێ کە خودی ئاخوند خامنەیی رێبەری رژێم رۆژی 12ی ڕەزبەر هاتەگۆ و وتی: ئامانجی دژمن لە شەڕی نەرم و نهێنی، دوور خستنەوەی خەڵکە لە مەیدانی جیهاد و خۆراگرێ و بێ باوەڕکردنیانە بە ئامانجەکان و داگیرکردنی فکر و رۆحیانە.
پرسیار ئەوەیە کە ئەو دژمنە کێ یە؟
لە راستیدا دەترسێ ناوی ببات بەڵام پێشتر لە بۆنە جیاجیاکاندا ئادرێسی ئەو دژمنەی داوە، مەبەست لە بێ باوەڕکردنی خەڵک بە ئامانجەکانیش یانی ڕق و توورەیی خەڵک و بەتایەبەت لاوانە لە تێکڕای سیستەمی ئاخوندان. ئێستا خامنەیی دیان بەو راستیەدا دەنێ کە دژمن خەریکە زیاتر ئەو توورەیی و رقە لە دڵی خەڵک و لاواندا جێ دەخاو لە فکر و رۆحیاندا جێ خۆی کردۆتەوە. ئەوەش یانی ئیعتراف بە پێشوازی بەربڵاوی جەماوەر و لاوان لە دژمنی سەرەکی رژێم.
پێشتریش خامنەیی بە روونی سەبارەت بەو مەترسیەی کە هەڕەشەیە لەسەر دامودەزگای رزیوی رژێمەکەی وریایی دابوو. بۆ نمونە ناوبراو رۆژی 15ی خەمانانی ئەو ساڵ گوتی: دژمن لە رێگەی دروست کردنی شک و گومان لە هەوڵی بەلارێدا بردنی لاوانی دروست کار و موئمینە لە بنەمای دین و لە ئێستادا ئەو کارە لە رێگەی ئینتێرنێت و فەزای مەجازیەوە دەکا، بەرنامە گەلێک بۆ بەلارێدا بردنی هزر و دڵی خەڵک و لاوان لە دین لە ئارادایە.
بەڵێ ئەو قسەی خامنەیی یانی دژمن بە بەرنامەی بەربڵاو بۆتە هۆی رووبەروو بوونەوەی لاوان لەگەڵ رژێمەکەی و مەترسی تەقینەوەیەکی بەهێزی جەماوەری دژ بە رژێمەکەی بەدیی دەکا.
ئەوەی کە دەسەڵاتدارانی رژێم و مۆرە ورد و درشتەکانی سەبارەت بە فەزای مەجازی و کارتێکەری لەەسر لاوان قسە دەکەن، هەمووی نیگەرانیە لە ترسێک. نیگەرانی لە رق و نەفرەت و توورەیی جەماوەر لە رژێمە دیکتاتۆر و دواکەوتووەکەیان، دژمنێکیش کە ترسیان لە درکاندنی هەیەو پێشتر بە شێوەی جۆراوجۆر ئیشارەیان پێ داوە ئیتر ئێستا لە کەس شاراوە نیە کە ئەو دژمە هێزە تێکۆشەر و ئازادیخوازەکانی ئێران و کوردستانن کە ئامانجی سەرەکیان روخان و لەناوچوونی رژێمی ئاخوندانە کە سازمانی خەبات و سازمانی موجاهیدینی خەڵکی ئێران و شۆرای ملی مقاومەت لەو هێزانەن کە سالانێکی دوور و درێژە زۆر بە جیددی لەو پێناوەدا تێ دەکۆشن.
بێ هۆ نیە کە لەم کاتەدا کە رژێمەکەیان لە دوای زەهرخواردن ناوکەیی لەوپەڕی لاوازیدایەو بڵاوبوونەوەی نەواردی دەنگی مونتەزێری و دامەزرانی بزوتنەوەی لێپرسینەوە لە جینایاتی 67، هێرشی پروپاگەندەی زەهراوی و بەربڵاو دژ بەم هێزانە پەرەبستێنێ و رۆژ نیە کە لە بەرزترین بەرپرسانی رژێم ترس و بێزاری دەرنەبڕن.
