سازمانی خه‌بات ی
کوردستانی
ئێران
خەباتمێدیا: وەزیری دەرەوەی ئەمریکا دەڵێت ڕژیمی ئاخوندی ئێران لە خەڵکی ئەو وڵاتە حاڵی نییە و لێیان تێیناگات و هەوڵی ئەوە ئەدات کێشەکانی ناوخۆی خۆی بە وڵاتانی ئەمریکایی و ئورووپایی پەیوەند بدات.
ئانتونی بلینکن ڕۆژی چوارشەممە ۹ی سەرماوەز لە لێدوانێکدا لەگەڵ تۆڕی "ئێن بی سی" وتی: گرینگتر لە هەموو چتێک ئەوەیە کە ئەوەی لە ئیران ڕوو ئەدات پەیوەندی بە ناوخۆی ئەو وڵاتە هەیە و بەبۆنەی داهاتووی وڵاتەکەی خۆیانە و ئێمە تێدا بەشدار نین. بەڵام حکومەتی ئێران هەوڵ ئەدات بۆ بەلاڕێ بردنی ناوەڕۆکی بابەتەکە وڵاتانی ئێمە تاوانبار بکات و تۆمەت لە ئەمریکا و ئورووپا ئەدات کە هاندەری ئەو خەڵکەین.
وەزیری دەرەوەی ئەمریکا لە درێژەدا وتی کە واشینگتون هەوڵی داوە تا جگایەک کە بۆی بکرێت ئەو کەسانەی کە سەرکوتی ئازادییەکانی خەڵک دەکەن و ژنانی ئەو وڵاتە سەرکوت و چەوساوە دەکەن بخاتە بەر گەمارۆکەکانی خۆی.
بلینکن پاشان باسی لە بڕیارەکانی کۆشکی سپی کرد و بە ئاماژەدان بە ئاسانکاری بۆ دەستپێیگەیشتنی خەڵکی ئێران بە ئینترنت وتی کە واشینگتون بۆ ئەوە هەواڵ ئەدات تا ئێرانیەکان بتوان پێکەوە و لەگەڵ دونیای دەرەو پەیوەندییان هەبێ.
ئانتونی بلینکن هەروەها لە وتووێژێکی دیکەدا لەگەڵ "سی ئێن ئێن" وتی من وا بیردەکەمەو کە جیهان بەدروستی دەزانێت لە شەقامەکانی ئێران و سەرانسەری ئەو وڵاتە چی ڕوو ئەدات و لاوانێکی زۆر بوێریان هەیە و لێوانلێون لە ژنانێک کە بۆ ماف و ئازادییەکانی خۆیان خەبات دەکەن.
بلینکن وتی کە ئێران هەوڵی زۆرتر بۆ پەرەپێدان و بەربڵاوتر کردنی بەرنامە ناوکەییەکانی ئەدات و ئێمە و هاوبەشەکانمان پێمان وایە ئەگەر ئێران بیهەوێت هەنگاوی زۆرتر بۆ تۆکمەکردنی ئۆرانیۆم هەڵبگرێ ئێمە ئامادەین جوابی بدەینەوە.
