بەڕێوەچوونی ڕۆژی سێهەمی بانگهێشتی مانگرتنەکان لە ڕۆژی خوێندکار

خەباتمیدیا: ئەمڕۆ چوارشەممە ۱۶ی سەرماوەز, بەپێی بانگهێشتی گشتی و داواکاری سازمانی خەبات ی کوردستانی ئێران له خەڵکانی کوردستان و ئێران و بەتایبەت تۆێژی خوێندکار, سێهەمین ڕۆژی بانگهێشت بۆ مانگرتنەکان لە ڕۆژی خوێندکار بەڕێوەچوو.
هەربەوبۆنوە زۆربەی خوێندکاران لە زانستگاکانی تاران وەک: ئەمیرکەبیر, پەیمانگای ددانسازی, خاجەنەسیر, پۆلی تەکنیک, ئازادی, پەیمانگەی ئەدەبیات و زمانی بەیانی, بەهەشتی, زانست و لێکۆڵینەوە, هۆنەر و میعماری پارس, دەرونناسی و زانستی پەروەدەیی, ئەندازیاری شیمی, موسیقا, زانست و پیشەسازی و هەروەها زانستگای ئازادی ڕەشت, جۆندی شاپوور ئەهواز, فەنی و حرفەیی و ئازادی سنە, کرماشان, کامیاران و دێگولان و چەندین زانستگای دیکە لە شار و ناوچە جیاجیاکانی کوردستان و ئێران بەشداری یان لە مانگرتنەکان کرد.
هەروەها دیواندەرە, کامیاران, بۆکان, شنۆ, سنە, مەهاباد, مەریوان, کرماشان, پاوە وە لاهیجان, کرمان, مەرودەشت, ئەراک, شیراز, قەزوین و هەروەها بازاڕی زێڕی کەرەج, بازاڕی بوشیهر, بازاڕی مسگەری ئیسفەهان و زۆربەی ناوچە جیاجیاکانی کوردستان و ئێران لە مانگرتنی گشتیی دا بوون و وێڕای پلۆمپ کردنی دوکانەکانیان لە ویستی خۆیان پاشەکشەیان نەکرد.
هەروەها ئەمڕۆ ئازادیخوازان ئۆتۆمبیلی ئیحسان سەحرایی, هەواڵنێری سەر بە سوپای پاسدارانیان ئاگر تێبەردا و تویتەر پاش ڕیپۆرتی کاربەرەکان سێ هەژماری ڕافێعی پوور تیرۆریستەکەی سەر بە حکومەتی داخست.
ناوبراو لە دوایین توویتی خۆیدا نوسیبووی ئەگەر لە گیانی خۆتان تێرن وەرنەسەر شەقام, بەتایبەت ئەوانەتان وا ڕوخسارێکی جوانتان هەیە.
شایانی باسە سیناتۆر تام کاتن ئەندامی ناوەندی هێزە چەکدارەکان و ناوەندی ئیتلاعاتی سنای ئەمریکا وتی: دەنگۆی هەڵوشاندنەوەی پۆلیسی ڕەوشت لەلایەن حکومەتی ئاخوندی درۆیە, سەرۆک کۆمار بایدن بەشانازییەوە و بە دەنگی بەرز پاڵپشتی خۆی بۆ ئەو کوردانە دەرئەبڕێ کە دژی حکومەتە گەندەڵ و دڕندانەکەیان وستانەتەوە و ڕاپەڕیون.