سازمانی خه‌بات ی
کوردستانی
ئێران
جەماوەری خەباتکاری کوردستان!
پێشمەرگە قارەمانەکان و هاوباروەڕانی سازمانی خەباتی کوردستانی ئێران!
بەداخێکی گرانەوە رایدەگەێنین کاک مستەفا ئـەحمەدنژاد ناسراو بە “دیار خەبات”، پێشمەرگەو کادری دڵسۆزو قارەمانی سازمانی خەبات لە کاتی بەڕێوەبردنی ئەرکی تەشکیلاتی لە ناوخۆی کوردستانی ئێران دا، بە پیلانی خۆفرۆشان لەلایەن هێزە بەکرێگیراوەکانی ڕژیمی ئاخوندی شەهید کرا.
شەهید دیار قارەمانانە و وەک نەریتی خەباتیە بە باوەڕەکان، لە ڕوبەڕوبونەوە لەبەرانبەر هێزەکانی رژیمی ئاخوندی شەهید دەکرێ و تێکەڵ بە کاروانی شەهیدانی سەرفرازی گەلی کوردو ڕێبازی پاک و بێگەردی سازمانی خەبات ی کوردستانی ئێران دەبێ.
شەهید دیار پێشمەرگەو کادری بە بیروباوەر و فیداکار، تا دوایین ساتەکانی ژیانی بەبڕیار و وەفادار بە رێبار و رێگەی پیرۆزی سازمانی خەبات مایەوە.
سازمانی خەبات ی کوردستانی ئێران سەربەرزە بە بوونی رۆڵەی فیداکاری وەک شەهید دیاری تێکۆشەرو بە باوەڕ. بێگومان خەباتیەکان بە گیانبازی و بە خوێنی گەشیان دەیسەلمێنن و سەلماندویانه کە ڕێبازی سازمانی خەبات ڕێبازی کوردایەتی ڕاستەقینەو ئازادیخوزای کەم هەڵەو بێ پەڵەیە.
بەبۆنەی شەهیدکرانی کاک دیار پرسە و سەرەخۆشی بە خانەوادەو خزمان و هاورێیانی لە ریزەکانی سازمانی خەبات و خەڵکی کوردستان ڕادەگەێنین و بەڵێنیمان بۆ خەڵکی کوردستان دووپات دەکەینەوە کە سازمانی خەباتی خۆێناوی لە تێکۆشان و شۆڕشی نەتەوەیی و نیشتمانی و کوردایەتی و ئازادیخوزایی ڕاستەقینە تا گەیشتن بە دوا ئامانجەکانی نەتەوەی کورد و ڕوخانی دەسەڵاتی خۆسەپێن و دیکتاتۆری ئاخوندی بەردەوام دەبێ.
هەزاران درود بۆ رۆحی شەهید دیار و تێکڕای شەهیدانی ڕێگەی ئازادی و شەهیدانی شۆڕشی ژینا، ژن ژیان ئازادی
سەرکەوێ خەباتی مافخوازانەی گەلانی ئێران
بروخێ رژیمی دیکتاتۆری ئاخوندی
بەردەوام دەبێ کاروانی سەربەرزانەی سازمانی خەبات و شەهیدان
سازمانی خەبات ی کوردستانی ئێران
کۆمیسیونی سیاسی نیزامی
۲۲ ی بەفرانباری ۱٤۰۱ کۆچی خۆری
