سازمانی خه‌بات ی
کوردستانی
ئێران
خەباتمێدیا: بەرەبەیانی ڕۆژی یەکشەممە ۹ی ڕێبەندانی ۱۴۰۱ی هەتاوی, تەقینەوەیەک لە ناوەندنی بەرهەمهێنانی تەقەمەنی وەزارەتی بەرگری ڕژیمی ئاخوندی لە شاری ئیسفەهان, ڕوویدا. ده‌‌‌نگ و ڕه‌‌‌نگی ده‌‌‌سه‌‌‌ڵاتی ئاخوندی، وێنه و ڤیدیۆی ئه‌‌‌م ته‌‌‌قینه‌‌‌وه‌‌‌یان بڵاوکرده‌‌‌وه و لەزاری جێگری سیاسی و ئەمنیەتی پارێزگاری ئیسفەهان ئەم هەواڵەی پشت ڕاستکردەوە. وێڕای پشت ڕاسکردنه‌‌‌وه‌‌‌ی ئه‌‌‌م هه‌‌‌واڵه ڕژیم ڕایگه‌‌‌‌یاندوه که ئه‌‌‌م ڕووداوگغ خه‌‌‌ساری گیانی نه‌‌‌بووه.
بەپێی ڤیدیوە بڵاوکراوەکان و وتەی شایەتحاڵان, هاوکات لەگەڵ تەقینەوەکە, درۆنێک لە ئاسمانی ئەو ناوچەیە بیندراوە. ئه‌‌‌م هه‌‌‌واڵه‌‌‌ش له‌‌‌لایه‌‌‌ن هه‌‌‌واڵده‌‌‌ری "انتخاب" پشت ڕاستکرایه‌‌‌وه که دامەزراوەکانی وه‌‌‌زاره‌‌‌تی به‌‌‌رگری ڕژیم لە شاری ئیسفەهان لە ۸ی ڕێبەندان, سەعات ۲۳:۳۰ دەقەی شه‌‌‌و هێرشی ئاسمانی کراوه‌‌‌ته سه‌‌‌ریان.
وەزارەتی بەرگری ڕژیمی ئاخوندی, وێڕای ئینکاری هەرجۆرە خەساری گیانی و ماڵی, ڕایگەیاندووە که بەبۆنەی پێشگری و سیستەمی بەرگری, سێ درۆنی هێرشبەر لە تەڵەی هێزە بەرگرییە ئاسمانییەکانی ڕژیم کەوتوون و تەقیونه‌‌‌ته‌‌‌وه.
بەپێی هەواڵەکان هاوکات دامەزراوە سەربازیه‌‌‌کان و هه‌‌‌روه‌‌‌ها بەرهەمهێنانی تەقەمەنییەکانی ڕژیمی ئاخوندی لە شارەکانی, هەمەدان, ئازەرشاری تەورێز و کەرج هێرشی درۆنی کراوەتە سەریان.
کاناڵی ئیسراییلی ئەلف, وێنەی قاپێکی کۆتلێتی بڵاوکردەوەو لە پەیامێکدا نووسیویەتی کە وڵامی تیرۆریستەکانی سپا دەسبەجێ دەدرێتەوەو. هەروەها ئەم کاناڵە ڕاستەوخۆ ئەم هەواڵانەی پشتڕاست کردووەتەو.
