هێزی ئاسمانی ئۆکراین لەناوبردنی ٦١٠  فڕۆکەی بێفڕۆکەوانی ئێرانی ڕاگەیاند

لەگەڵ بەردەوامبوونی شەڕی قورسی نێوان هێزە سەربازییەکانی ڕووسیەو ئۆکراین بۆ دووەم ساڵ لەسەریەک، ‎ژەنەڕاڵ میکۆلا ئۆلشوک، فەرماندەی هێزی ئاسمانی ئۆکراین ڕایگەیاند: تا ئێستا ٦٥٠  مووشەکی کروزی ڕوسی و زیاتر لە ٦١٠  فڕۆکەی بێفڕۆکەوانی شاهدی ئێرانی لە مانگی خەرمانانی ئەمساڵەوە لەناوبراون.فەرماندەی هێزی ئاسمانی ئۆکراین لە ووتووێژدا لەگەڵ ڕۆژنامەی ئارمی ئینفۆرم ووتی :هێزی ئاسمانی ئۆکراین سیستمی دیفاعی ناساماس و کرۆتاڵ و هەروەهاسیستمی دژە فرۆکەی گێپاردیزی هەیە بەڵام لە ئێستادا چاوەروانی وەرگرتنی سیستمی پاتریوت و ئستار۳٠ مامباین لە هاوپێمانەکانمان ده‌‌‌که‌‌‌ین. ناوبراو له‌‌‌ درێژەدا ئاماژەی به‌‌‌وه‌‌‌ کرد که‌‌‌ ئەم سیستێمانە بەس نین بۆ بەرگریکردن لە کیێڤ لە بەرامبەر هێرشی مووشەکی و فڕۆکەی بێفڕۆکەوانی ڕووسیە. ناوبراو ڕاشی گه‌‌‌یاند که‌‌‌ کیێڤ پێویستی زۆری به‌‌‌ فڕۆکەی جه‌‌‌نگی و چه‌‌‌کی پیشکه‌‌‌وتوو هه‌‌‌یه‌‌‌ بۆ پارێزگاری له‌‌‌ئاسمانی ووڵات.پێشتر ئەلێکسی کرۆمۆڤ، جێگری سەرۆکی ئەرکانی گشتی سپای ڕووسیە لە ٢٣ی فوریە ڕایگەیاندبوو کە هێزەکانی ڕووسیە لە ساڵی ڕابردوودا نزیکەی پێنج هەزار هێرشی مووشەکی و ٣٥٠ ٠  هێرشی ئاسمانییان بۆ سەر خاکی ئۆکراین ئەنجامداوە.به‌‌‌ووته‌‌‌ی ئەلێکسی خرۆمۆڤ، لە سەرەتای دەستپێکردنی هێرشی سەربازیی ڕووسیەلە ٢٤ی فوریەساڵی ڕابردووەوە، سپای مۆسکۆ نزیکەی هەزار هێرشی فڕۆکەی بێفڕۆکەوانی بۆ سەر خاکی ئۆکراین ئەنجامداوە.لە سەرەتای دەستپێکردنی شەڕی نێوان مۆسکۆ و کیڤەوە، وڵاتانی ڕۆژئاوا و بەتایبەتی ویلایەتە یەکگرتووەکانی ئەمریکا بە چەکی پێشکەوتوو و سیستەمی مووشەکی و بەرگری ئاسمانی و تانکی پێشکەوتوو پاڵپشتی کیێڤیان کردووە، بەڵام هێزەکانی ئۆکراین بەردەوامن لە داواکردن کە وڵاتانی ڕۆژئاوا بۆ ئه‌‌‌وه‌‌‌ی چەکی زیاتریان بۆ بنێرن .