بریتانیا لە مەترسی ڕووبەڕووبوونەوەی تەواوەتی لەگەڵ ڕووسیە, چین و ئێراندایە

هەڵسەنگاندنێکی نوێ لە لایەن حکومەتی بریتانیا وا نیشان ئەدات کە ئەو وڵاتە بەهۆی زۆر بوونی مەترسییەکانی ڕووسیە و چین و ئێران
پێویستە خۆی بۆ "زۆر بوونی تێکچوونی" ئاسایشی جیهانی ئامادە بکات و بریتانیاش لە مەترسی "ڕووبەڕووبوونەوەی تەواو" لەگەڵ ئەو سێ وڵاتەدایە.
بەپێی ڕاپۆرتێک کە ڕۆژنامەی ئێکسپرێس بڵاویکردەوە، هەڵسەنگاندنەکە وریایی لەوە داوە مەترسیی ئێستا لە دەیەکانی ڕابردوو زۆرترە، بەو پێیەی "ڕژیمە دەسەڵاتخوازەکان"ی ڕووسیە, چین و ئێران هەوڵ بۆ وەدەست هێنانی هەرچێ زۆرتری "چەکی پێشکەوتوو" دەدەن.، ئەو حکومەتانە بۆ لاوازکردنی نەزمی نێودەوڵەتی لەگەڵ یەکتر هاوکاری دەکەن و دەیانهەوێ بە شێوەی دڵخوازی خۆیان بەڕێوەی ببەن.
سیاسەتی دەرەوە و دیفاعی حکومەتی بریتانیا نیشان دەدات کە وڵاتەکەی پێبەندە بە "کردەوەی بەهێز و بەپەلە" بۆ بەرەنگاربوونەوەی هەڕەشەکانی چین. بەڵام لە هەمان کاتدا حکومەت وریایی ئەوەشی دا کە ململانێی ناوچەی هند و زەریای ئارام دەتوانێت کاردانەوی جیهانییە فراوانتری لە شەڕی ئۆکراین بێت.