پرۆسەی ئازادکردنی موسڵ و کاردانەوەی ترۆریستانی داعش

بەپێی راپۆرتێکی ته‌‌‌له‌‌‌فزیۆنی "CNN"ی ئه‌‌‌مه‌‌‌ریکا، رێکخراوی ترۆریستی داعش وه‌‌‌ک خۆئاماده‌‌‌کردنێک لەبەرامبەر ئۆپه‌‌‌راسیۆنی مووسڵ، که‌‌‌  بڕیارە به‌‌‌مزووانه‌‌‌ ده‌‌‌ستپێبکات، چه‌‌‌ند رێکارێکی گرتووه‌‌‌ته‌‌‌به‌‌‌ر و چه‌‌‌کداره‌‌‌ برینداره‌‌‌کانی ده‌‌‌گوازێته‌‌‌وه‌‌‌ ره‌‌‌ققه‌‌‌ی سووریا.

لەو راپۆرتەی سی ئێن ئێن دا هاتووە، داعش ئه‌‌‌و چه‌‌‌کدارانه‌‌‌ی خۆی ئازاد ده‌‌‌کات، که‌‌‌ پێشتر به‌‌‌هۆی سه‌‌‌رپێچییه‌‌‌کانی وه‌‌‌ک سیگار کێشان و پۆشینی جلوبه‌‌‌رگ ده‌‌‌ستگیری کردوون، بۆ ئه‌‌‌وه‌‌‌ی خه‌‌‌نده‌‌‌ق و تونێلیان پێ هه‌‌‌ڵبکه‌‌‌نێت.

هه‌‌‌ریه‌‌‌ک له‌‌‌و چه‌‌‌کدارانه‌‌‌شی ناچار کردووه‌‌‌، له‌‌‌لای رۆژهه‌‌‌ڵاتی مووسڵه‌‌‌وه‌‌‌، خه‌‌‌نده‌‌‌ق لێبده‌‌‌ن و به‌‌‌ گوێره‌‌‌ی سه‌‌‌رچاوه‌‌‌که‌‌‌ش، خه‌‌‌نده‌‌‌قه‌‌‌که‌‌‌ تا گوندی حه‌‌‌مدانییه‌‌‌ درێژده‌‌‌بێته‌‌‌وه‌‌‌.

ته‌‌‌له‌‌‌ڤزیۆنه‌‌‌که‌‌‌، له‌‌‌ زاری شایه‌‌‌تحاڵان له‌‌‌ناو شاری مووسڵه‌‌‌وه‌‌‌ گواستوویه‌‌‌ته‌‌‌وه‌‌‌، داعش 14 چه‌‌‌کداری خۆی گوللـه‌‌‌بارانکردووه‌‌‌، دوای ئه‌‌‌وه‌‌‌ی هه‌‌‌وڵییانداوه‌‌‌ خۆیان و خێزانه‌‌‌کانییان رزگار بکه‌‌‌ن و بگه‌‌‌ڕێنه‌‌‌وه‌‌‌ ره‌‌‌ققه‌‌‌.

ئه‌‌‌و ئاماده‌‌‌کارییانه‌‌‌ی داعش له‌‌‌کاتێکدایه‌‌‌، که‌‌‌ هێزی پێشمه‌‌‌رگه‌‌‌ی کوردستان و سوپا و هێزه‌‌‌کانی دیکه‌‌‌ی عێراق، به‌‌‌ پاڵپشتی فڕۆکه‌‌‌ جه‌‌‌نگییه‌‌‌کانی هاوپه‌‌‌یمانی نێوده‌‌‌وڵه‌‌‌تی دژی داعش، به‌‌‌ سه‌‌‌رۆکایه‌‌‌تی ئه‌‌‌مه‌‌‌ریکا و سوپای چه‌‌‌ند وڵاتێکی ئه‌‌‌ندام له‌‌‌و هاوپه‌‌‌یمانێتییه‌‌‌، سه‌‌‌رقاڵی ئامادەکاری ئازادکردنی شاری موسڵن.

شاری مووسڵ، سه‌‌‌نته‌‌‌ری پارێزگای نه‌‌‌ینه‌‌‌وایه‌‌‌ و له‌‌‌ 10ی ژوئێنی 2014ه‌‌‌وه‌‌‌ له‌‌‌ ژێر ده‌‌‌ستی چه‌‌‌کدارانی داعشه‌‌‌، دوای ئه‌‌‌وه‌‌‌ی سوپای عێراق به‌‌‌بێ هیچ بەرەنگاریەک چۆڵی کرد و ئه‌‌‌و کات نووری مالیکی، سه‌‌‌رۆک وه‌‌‌زیر و سه‌‌‌رۆکی هێزه‌‌‌ چه‌‌‌کداره‌‌‌کانی عێراق بوو.