سازمانی خه‌بات ی
کوردستانی
ئێران
دامەزراوەی نیمەن، سەر بە زانکۆی هارڤارد، خەڵاتی ویژدان و ڕاستگۆیی لە بواری ڕۆژنامەوانیدا بەخشییە نیلوفەر حامێدی و ئیلاهە محەممەدی، دوو ڕۆژنامەنووسی زیندانیکراوی ئێرانئ دامەزراوەکە ڕایگەیاندووە، نیلوفەر حامێدی و ئیلاهە محەممەدی "پابەندییەکی پتەویان هەیە بۆ بەرهەمهێنانی ڕۆژنامەوانی بوێرانە لەسەر ئەو پرسانەی کە کاریگەرییان لەسەر ژنان هەیە لەوانەش مردنی ژینا ئەمینی تەمەن ٢٢ ساڵ لە مانگی سپتامبر٢٠ ٢٢ بەگوێرەی بەیاننامەیەک کە لەو
چوارچێوەیەدا بڵاوکراوەتەوە، ئەو دوو ڕۆژنامەنووسە ژیان و بژێوی خۆیان خستۆتە مەترسییەوە و ئازادییان لەدەستداوە. ئەوان ئاگاداری ئەو مەترسییە گەورانە بوون کە ڕەنگە ڕووبەڕوویان ببنەوە، بەڵام پابەند بوون بە بڵاوکردنەوەی هەواڵی ژینائەمینی. دامەزراوەی نیمەن زیادی کرد: ڕۆژنامەنووسان لە ئێران ڕۆژانە گیانی خۆیان دەخەنە مەترسییەوە بۆ ڕاپۆرتکردن لەسەر هەل ومەرج و سەرکوت لەو ووڵاتەدا
نیلوفەر حامێدی، پەیامنێری کۆمەڵایەتی ڕۆژنامەی "شەرق"، یەکێک بوو لە یەکەم ڕۆژنامەنووسان کە لە کاتی ناڕەزایەتییەکانی ئەم دواییەدا بەند کرا. هەروەها ئیلاهە محەممەدی، پەیامنێری کۆمەڵایەتی ڕۆژنامەی "هم میهن"، ڕۆژی ٤خەزەڵوەر گیرا. پێش گیرانی بۆ ئامادەکردنی ڕاپۆرتێک لەسەر ڕێوڕەسمی ناشتنی مەهسا (ژینا) ئەمینی، سەفەری سەققزی کردبوو.
ئەم دوو ڕۆژنامەنووسە لە ئێستادا لە زیندانی ژنانی قەرچەک و وەرامین زیندانی کراون.
