سازمانی خه‌بات ی
کوردستانی
ئێران
خەباتمیدیا: ئەمڕۆ یەکشەممە ١٣ی خاکەلێوی ۱۴۰۲ی هەتاوی ڕۆژنامەی "هم میهن" لە زاری ئیدارەی پەیوەندییە گشتییەکانی بابۆلسەرەوە بڵاوی کردەوە کە شەش سەندیکای کرێکاری لەم شارەدا بە هۆی "ڕەچاونەکردنی داب و نەریتی زۆری لە ژێر ناوی ئیسلامی" لە چەند ڕۆژی ڕابردوودا داخراون. هەروەها جەواد نووری، داواکاری گشتی کاشان، ڕۆژی شەممە ١٢ی خاکەلێوە، مۆرکردن و داخستنی "کاشان مۆڵ"ی ڕاگەیاند، کە یەکێکە لە گەورەترین کۆمەڵگە بازرگانی و کات بەسەربردنەکانی ئەم شارەیەو ڕایگەیاند: "کاشان مۆڵ بەهۆی پابەندنەبوون بە ڕێسا زۆری و سەپێندراوەکانی حیجابی حکومەتی, لەلایەن کڕیاران و هەندێکجاریش کارمەندانەوە لە ڕۆژی هەینیەوە، داخراوە."
دوای ناڕەزایەتییە سەرتاسەرییەکانی ئەم دواییە ناسراو بە شۆڕشی ژینا و لە هەمان کاتدا بەبیانوی دەستپێکی مانگی ڕەمەزان، پڕۆسەی داخستنی شوێنە گشتییەکان بەبیانوی ڕەچاونەکردنی حیجابی زۆری یان یاسای زۆری لە ژێر ناوی دین, لە ئێراندا بە شێوەیەکی بەرچاو لەهەڵکشاندایە.
