سازمانی خه‌بات ی
کوردستانی
ئێران
خەباتمێدیا: زیاتر لە سەدان فەرمانبەری خزمەتگوزاری نەخۆشخانەکانی پارێزگای ئازەربایجانی ڕۆژئاوا، بەهۆی پێنەدانی مووچەی مانگی ڕەشەممە لەلایەن کۆمپانیای دەریای نیلگون، کۆبوونەوەی ناڕەزایەتییان بەڕێوە برد.
بەرپرسانی کۆمپانیای دەریای نیلگون، لایەنی گرێبەستی کارمەندانی خزمەتگوزاری بەشی پاککردنەوە و گواستنەوەی نەخۆشخانەکان، دوای چەندین جار ناڕەزایەتی سەبارەت بە پێدانی مووچەی نەخۆشخانەکە و کارمەندانی تەندروستیی ئەو پارێزگایە تا ئێستاش ئامادە نین وەڵام بدەنەوە.
ئەم کارمەندانە کە وەک کرێکاری کەم داهات بە گرێبەستێکی کاتی و یەک ساڵە هەژمار دەکرێن، دوای ناڕەزایەتی دەربڕین و داوای مافەکانیان هەڕەشەی کۆتاییهێنان بە گرێبەست و دەرکردنیان لێدەکرێت.
نەدانی مووچە و نەبوونی ئاسایشی کار و بەردەوام بەرزبوونەوەی نرخەکان، لە ئەنجامی بەڕێوەبەرێکی ناکارامە، بە دوو شێوە فشاری لەسەر ئەم گرووپە کەم داهاتە دروست کردووە.
