سازمانی خه‌بات ی
کوردستانی
ئێران
خەباتمێدیا: سەرچاوە هەواڵیەکان ڕۆژی سێشەممە ٢٢ی خاکەلێوە ڕاپۆرتیان لەوە داوە کە ڕوسیە بۆ یەکەمین جار لەمساڵدا دەستی کردووە بە هەناردەکردنی سووتەمەنی بۆ حکومەتی ئێران لە ڕێگەی هێڵی شەمەندەفەرەوە.
بەگوێرەی ئاژانسی هەواڵی ڕۆیتەرز، بە ئاماژەدان بە سێ سەرچاوەی پیشەسازی و هەندێک داتای پەیوەست بە هەناردەکردن، دوای ئەوەی کڕیارە پێشووەکانی ڕوسیە بەهۆی ئەو سزایانەی کە وەک ئابڵۆقە خراوەتە سەر ڕوسیە, خۆیان لە بازەرگانی کردن لەگەڵ ئەو حکومەته بوارد، ئێستا مۆسکۆ دەستیکردووە بە هەناردەکردنی گازۆیل و بەنزین بۆ حکومەتی ئێران.
ڕوسیە و ڕژیمی ئاخوندی ئێران کە هەردووکیان لەژێر سزاکانی ڕۆژئاوادان، هەوڵدەدەن بە دروستکردنی پەیوەندی نزیکتر و بەهێزکردنی ئابوورییەکانیان، کاریگەرییە نەرێنییەکانی سزاکان لەسەر وڵاتەکانیان کەمبکەنەوە.
