کۆبوونەوەی ناڕەزایەتی خانەنشینانی شوش، حەوتتەپە و فولادی ناوچەی ئەلبورزی ڕۆژئاوا

خەباتمێدیا: خانەنشینانی شوش، حەوتتەپە و فولادی ناوچەی ئەلبورزی ڕۆژئاوا, وەک ناڕەزایەتییەک بەرامبەر بە خراپی بارودۆخی ژیان و کەمی حەقدەستەکان، بەشدارییان لە گردبوونەوەیەکی ناڕەزایەتیدا کرد.
یەکشەممە ٢٧ی خاکەلێوەی ساڵی ١٤٠ ٢ی هەتاوی, بەشێک لە خانەنشینکراوانی خەڵکی شوش و حەوتتەپە و فولاد لە ناوچەی ئەلبۆرزی ڕۆژئاوا لە ناڕەزایەتییەک بەرامبەر بە خراپی بارودۆخی ژیان و کەمی حەقدەست, دەستیان بە کۆبوونەوەو ڕێپێوانێکی ناڕەزایەتی کرد.
خانەنشینانی شارەکانی شوش، حەوتتپە و فولادی سەر بە ناوچەی ئەلبورزی ڕۆژئاوا، بەهۆی کەمی حەقدەست و بەرزبوونەوەی نرخ و هەڵاوسان ناڕەزایەتی خۆیان ڕاگەیاند.
هەروەها داوایان لە حکوومەت کرد, مادەی ۴۱ی یاسای کار و مادەی ۹۶ی یاسای دەستەبەریی کۆمەڵایەتی بجێبەجێ بکرێت و نەهێڵن بانکی ئاسایشی کرێکاران بدرێتە بەشی تایبەت. سەندیکای کرێکارانی ئازاد هەروەها ڕایگەیاندووە کە خانەنشینان و ئاسایشی کۆمەڵایەتیش لە شاری ئەهواز ئامادە بوون بۆ ناڕەزایەتی دەربڕین بەرامبەر بە خراپی بارودۆخی ژیان و گرنگی نەدان و داواکارییەکانیان.
بەهۆی خراپی هەلوومەرجی گوزەران و زیادبوونی هەڵاوسان و کەمبوونەوەی توانای کڕین لە کرێکاران، زۆرێک لە کرێکاران تووشی کێشە و گرفتی وەک کارکردن بە نرخی کەم و نەدانی مووچە و یارمەتییەکان لەکاتی خۆیدا دەبنەوە. ئەم دۆخە دەبێتە هۆی فشاری توند لەسەر کرێکاران و بنەماڵەکانیان و دەتوانێت ببێتە هۆیەک بۆ خراپتر بوونی دۆخی ژیان و نەتوانینی دەستڕاگەیشتن بە شتە سەرەتاییەکانی وەک چارەسەر و خۆراک و نیشتەجێبوون.