سازمانی خه‌بات ی
کوردستانی
ئێران
خەباتمێدیا: لقی ١٠ ٢ی دادگای رژیم لە پیرانشار، سزای بەسەر سێ هاووڵاتیی ئازادیخوازی بە ناوەکانی "محەمەد (شێرزاد) ئازەربەرزین" تەمەن ٢٦ ساڵ کوڕی عەبدولقادر، "وەفا (عەبدوڵڵا) ڕەسۆلی ئازەر" کوڕی حوسێن و تەمەن ٢٢ ساڵ و "عوبدولسەمیع ڕەسۆڵی" تەمەن ٢٢ ساڵ و کوڕی مستەفا، بە لێدانی قامچی و بەندکران سەپاندووە.
محەمەد ئازەربەرزین بە تۆمەتی ساختەکاری "دژایەتی کاروباری دەوڵەتی" بە ١٥ مانگ و یەک ڕۆژ زیندان و سزای دیکەی دوو ملیۆن تمەن و هەروەها سزای ٧ مانگ و ١٦ ڕۆژ زیندان و ٤٠ قامچی بە تۆمەتی "بەشداریکردن لە تێکدانی ئاسایش و ئارامی گشتی راگەیندراوە.".
وەفا (عەبدوڵڵا) ڕەسووڵی ئازەر بە تۆمەتی ساختەکاری "سووتاندنی بە ئەنقەستی بەنەری ئیتلاعات"، ١٥ مانگ و ١٦ ڕۆژ زیندان و هەروەها بە تۆمەتی "دژایەتی و دەستدرێژی بۆ سەر بەرپرسانی دەوڵەتی" بە ٧ مانگ و ١٦ ڕۆژ زیندانی و بە تۆمەتی "بەشداریکردن لە تێکدانی ئاسایش و ئارامی گشتی" سزای ٧ مانگ و ١٦ ڕۆژ زیندانی و ٤٠ قامچیی بەسەردا سەپێنراوە.
عوبدولسەمیع ڕەسووڵیش بە تۆمەتی ساختەکاری "بەشداریکردن لە تێکدانی ئاسایش و ئارامی گشتی" سزای ٣ ساڵ و ١٦ ڕۆژ زیندانی و سزایەکی دیکەی ٧ مانگ و ١٦ ڕۆژ زیندانی و ٤٠ قامچی بەسەردا سەپێنراوە.
