سازمانی خه‌بات ی
کوردستانی
ئێران
خەباتمێدیا: بەهۆی هەڵەیەکی تیمی پزیشکیی نەخۆشخانەی ئیمام عەلی چابەهار، منداڵێکی زیندوو گواسترایەوە بۆ مردووخانە کە دوای تێپەڕبوونی دوانزە سەعات و گواستنەوەیان بۆ نەخۆشخانەی زەرئاوا، بۆیان دەرکەوت کە کۆرپەکە هێشتا ماوە.
بەم هۆیەوە کەسێک ڤیدیۆیەک لەم ڕووداوە تۆمار دەکات و دەڵێ: ئەم دوو کۆرپەیە شەوی ڕابردوو لەدایک بوون، دوای دوو سێ کاتژمێر نەخۆشخانەی چابەهار ڕایگەیاند کە گیانیان داوە. گواستماننەوە بۆ شاری زەراوا، کە بڕیار بوو لەوێ بنێردرێن بۆ مردووخانە، بینیمان یەک کۆرپە هێشتا زیندووە!
چەندین جار ڕاپۆرتی جۆراوجۆر لەسەر دۆخی تەندروستی و نەبوونی ئیمکانات و لاوازی بەڕێوەبردن و خزمەتگوزاری لە نەخۆشخانەی ئیمام عەلی چابەهار بڵاوکراونەتەوە، بەجۆرێک لە ماوەی یەک ساڵی ڕابردوودا چەندین دایکی دووگیان بەهۆی کەمتەرخەمی تیمی پزیشکی گیانیان داوە، بەڵام سەرەڕای ئەمەش هیچ گۆڕانکارییەکی ئەرێنی یان چاکسازی و پێداچوونەوە لە دۆخی ئەم نەخۆشخانەیە بەدی نەکراوە.
