سازمانی خه‌بات ی
کوردستانی
ئێران
خەباتمێدیا: بەپێی هەواڵی سەرچاوەکانی مافی مرۆڤ، محەممەد دانیالی، تەمەن ٢٣ ساڵ، ئەندامی گرووپی شاخەوانیی "بنار"ی ئاودانان و ناسر ڕەزایی، هاووڵاتیی ٤٣ ساڵەی خەڵکی شاری سەراوباخ سەر بە ئاودانان لە ڕۆژی هەینی، ١٩ی جۆزەردانەوە لە گرتووخانەی ناوەندیی ئیدارەی ترۆریستی ئیتلاعاتی ئیلام مانیان لە خواردن گرتووە. بە وتەی سەرچاوەیەکی ئاگادار، ئەم دوو هاووڵاتییە لە ناڕەزایەتیدەبڕین بە شکەنجەکران و پێڕانەگەیشتن بە دۆسییەکەیان مانیان لە خواردن گرتووە. ڕۆژی ٢٤ی بانەمەڕ، محەممەد دانیالی بە بێ بەڵگەی یاسایی لەلایەن هێزە سەرکوتکەرە ئەمنییەتییەکانەوە لە دێهلۆڕان گیراوەو بە مەبەستی لێپرسینەوە بۆ گرتووخانەی ئیدارەی ترۆریستی ئیتلاعاتی ئیلام ڕاگوێزراوە.
ڕۆژی دووشەممە، یەکی جۆزەردانیش، ناسر ڕەزایی بە بێ بەڵگەی یاسایی لە ترمیناڵی شاری ئەهواز گیرابوو.
