سازمانی خه‌بات ی
کوردستانی
ئێران
گرووپی هاککەریی شۆڕش هەتا ڕووخاندن (قیام تا سرنگونی)، سەر بە موجاهیدینی خەلق، لە درێژەی ئاشکراکردنی بەڵگەنامەکانی هاککراوی ناوەندی سەرۆککۆماریی ڕژیمی ئێران، بەڵگەنامەکانی پێوەندیدار بە ڕادەستکردنی زەوی بە وەزارەتی ترۆریستی ئیتلاعات بۆ دامەزراندنی دوو بنکەی ئیتلاعاتی لە پارێزگای کرماشان، بڵاو کردەوە.
ئەم گرووپە بەڵگەنامەکانی وەزارەتی ئیتلاعات لەگەڵ دامودەزگاکانی دیکەی ڕژیمی ئێران, سەبارەت بە دروستکردنی بنکەی ئیتلاعاتی لە پێنج کیلۆمیتریی شاری سونقوڕ لە پارێزگای کرماشان بڵاو کردەوە.
بەپێی ئەو بەڵگانە، ١٤ هەزار میتری چوارگۆشە لە زەوییەکانی ناوچەکە ناسراو بە "شێخلەر" لە شاری سونقوڕ لە پارێزگای کرماشان بۆ دروستکردنی بنکەیەکی ئیتلاعاتی دەخرێتە بەردەست وەزارەتی بەدناوی ئیتلاعات.
هەروەها نامەی بەرپرسی ڕێکخراوی بەڕێوەبەری و پلاندانانی پارێزگای کرماشان سەبارەت بە ڕێککەوتنی ئەم ڕێکخراوە بۆ ڕادەستکردنی ١٠ پارچە زەوی بە وەزارەتی ئیتلاعات، بەشێکی دیکە لەو بەڵگەنامەیەیە کە بڵاو کراوەتەوە.
