سازمانی خه‌بات ی
کوردستانی
ئێران
هاونیشتمانیانی کوردستانی ئێران!
مامۆستایانی ئایینی تێکۆشەر!
بە داخەوە ڕژیمی دیکتاتۆری ئاخوندی بەردەوامە لە جینایەت و تاوان لە بەرانبەر هاونیشتمانیانی کوردستان و تێکڕای خەڵکی ئێران. دەسەڵاتدارانی ئەو ڕژیمە لە هیچ جینایەتێک بەرانبەر تێکۆشەران و ئازادیخوازان دەست ڕاناگرن. بە تایبەت لە چەند مانگی ڕابردودا، سەرکوت،زیندانی کردن،شکەنجەو ئیعدامی تێکۆشەرانی ئازادیخوازیان پەرە پێداوە. هەر لە درێژەی تاوانکاری ئەو دەسەڵاتە دیکتاتۆرەدا، ئەمجارەیان دادگای ڕۆحانیەتی هەمەدان مامۆستا لوقمان ئەمینی پێش نوێژو مامۆستای مزگەوتی جامیعی چوارڕێیانی سنە و مامۆستا ئیبراهیم کەریمی پێش نوێژو مامۆستای دێی نەنەڵەی سنەی بە 23 ساڵ زیندان و دوور خستنەوەیان (تبعید) و هەروەها لێ ئەستاندنی لیباسی مامۆستای ئایینی مەحکوم کردوە.
بەم بۆنەوە بە توندی ئەو کردەوە دژی دژی ئینسانیەی دەسەڵاتی ئاخوندی مەحکوم دەکەم و داوا لە جەماوەری خۆڕاگری کوردستان، مامۆستایانی ئایینی کوردستان و تێکۆشەرانی ئازادیخواز دەکەم بە یەکگرتوویی و هاودەنگی لە بەرانبەر ئەو ستەمگەریەی ڕژیم بەرانبەر مامۆستا لوقمان ئەمینی و مامۆستا ئیبراهیم کەریمی و، تێکڕای ستەمەگەریەکانی ئەو دەسەڵاتە ناڕەزایەتی دەرببڕن و مەهێڵن ئەو ڕژیمە بەردەوام بێ لە تاونکاری و زوڵم و جینایەت.
سازمانی خەبات ی کوردستانی ئێران
سکرتێری گشتی
بابەشێخ حوسەینی
24 ی جۆزەردانی 1402 کۆچی خۆری
