سازمانی خه‌بات ی
کوردستانی
ئێران
خەباتمێدیا: سەید عەبدوڵڵا ئەحمەدپوور، برای سەید کەماڵ ئەحمەدپوور، لە شەهیدانی بزووتنەوەی ژن، ژیان، ئازادی بە مەبەستی لێپرسینەوە بۆ یەکێک لە گرتووخانە ئەمنییەتییەکانی ورمێ ڕاگوێزراوە.
بە وتەی سەرچاوەیەکی ئاگادار، سەید عەبدوڵڵا ئەحمەدپوور ڕۆژی پێنجشەممە، یەکی پووشپەڕ، لە پێوەندییەکی کورتی تلفۆنیدا بە بنەماڵەکەی ڕاگەیاندووە کە بۆ ورمێ ڕاگوێزراوە.
ئەم سەرچاوە ئاگادارە ڕایگەیاند: ئەم هاووڵاتییە تاکوو ئێستا لە دەسپێڕاگەیشتن بە بنەماڵەکەی بێبەری بووە.
ڕۆژی یەکشەممە، ٢٨ی جۆزەردان، سەید عەبدوڵڵا ئەحمەدپوور، تەمەن ٤٥ ساڵ و کوڕی تاهیر، خەڵکی مەهاباد، لە شوێنی کارەکەی لە شەقامی "مەنبەع" بە بێ بەڵگەی یاسایی لەلایەن هێزە ئەمنییەتییەکانی ڕژیم گیرا بوو.
ڕۆژی هەینی، ٢٧ی خەزەڵوەری ١٤٠ ١، سەید کەماڵ ئەحمەدپوور، برای سەید عەبدوڵڵا، لە ڕەوتی بزووتنەوەی ژن، ژیان، ئازادی لە مەهاباد، بە تەقەی هێزە سەرکوتکەرەکان شەهید کرا بوو.
