سازمانی خه‌بات ی
کوردستانی
ئێران
خەباتمێدیا: بەپێی ڕاپۆرتە گەیشتووەکان سیستەمی تەلەفۆنی زیندانی سنە لە بەشب ژنان کە دەکەوێتە ناوەندی چاکسازی ئەم شارە بە هۆکاری نادیار لە لایەن بەرپرسانەوە پچڕاوە و ئەم بابەتە شەپۆلێکی نیگەرانی لە نێو بنەماڵەی ژنە زیندانییەکان دروست کردووە.
بە پێی ڕاپۆرتی هەواڵدەریەکان، لە حەوتووی ڕابردووەوە تەلەفۆنەکانی بەشی ژنانی زیندانی سنە بە تەواوی پچڕاوە و لەم ماوەیەدا زیندانیان لە پەیوەندی لەگەڵ بنەماڵەکانیان بێبەش کراون.
بە وتەی سەرچاوە ئاگادارەکان، بەدواداچوون بۆ ئەم هەلوومەرجە لەلایەن ژنە زیندانیانی گیراوی بەشی چاکسازیی سنە و ڕەوانەکردنی بنەماڵەکانیان هیچ ئەنجامێکی نەبووە و تا ئێستا داواکارییەکانیان بێ وەڵام ماونەتەوە.
هۆکارەکانی پچڕانی تەلەفۆنەکانی بەندی ژنانی زیندانی سنە کە لە ماوەی ڕابردوودا چەندین جار ئەنجام دراوە، لەلایەن بەرپرسانی زیندانەوە بە خراپی و پچڕانی و لەکارکەوتنی سیمەکانی زیندان بانگەشەی بۆ کراوە. بەڵام بەشێک لە خانەوادەی زیندانییەکان پێیان وایە ئەم کارەی بەرپرسانی زیندان بە ئەنقەست و بۆ فشارخستنە سەر زیندانییەکان ئەنجام دەدرێت.
