سازمانی خه‌بات ی
کوردستانی
ئێران
خەباتمێدیا: فەردین مستەفایی، ڕۆژنامەنووس و بەڕێوەبەری کەناڵی تێلێگرامی ڕووداو سەقز، جارێکی دیکە لەلایەن دامەزراوەی ئیتلاعاتی ئەم شارە بانگهێشت و لێپرسینەوەی لەگەڵ کرا. بە پێی ڕاپۆرتی سەرچاوەکانی هەواڵەکان، ناوبراو سەبارەت بە کردەوەی ئامانجدار و بڵاو کردنەوەی زانیاری لەژێر کاریگەریی میدیای بیان, لێپرسینەوەی لێکراوە. هەروەها بە وتەی سەرچاوە ئاگادارەکان، پاسپۆرتی ئەم ڕۆژنامەنووسە که ئەندامی فیدراسیۆنی نێودەوڵەتی ڕۆژنامەنووسانە، له لایەن هێزە ئەمنییەکانەوە دەستی بەسەردا گیراوه. هەرچەندە هیچ زانیارییەک لەسەر هۆکاری دەستبەسەرداگرتنی پاسپۆرتەکەی فەردین مستەفایی نییە، بەڵام پێدەچێت گەشتەکەی ئەم دواییەی بۆ هەرێمی کوردستانی عێراق هۆکاری ئەم پرسە بێت. پێشتریش ناوبراو بە هۆی چالاکی میدیایی لە لایەن هێزە ترۆریستەکانی ئیتلاعات و ئەمنیەتی دەسەڵات لەشاری سەقزەوە بانگهێشت کرابوو.
