سازمانی خه‌بات ی
کوردستانی
ئێران
خەباتمێدیا: لە نزیک پردی شەهیدان لە شاری سەردەشت تەرمی بێ گیانی شاپەرەک قاسمی، منداڵێکی تەمەن ١٢ ساڵان دۆزرایەوە.
هەندێک سەرچاوە هۆکاری مردنی گوماناویی ئەو منداڵەیان بۆ خۆکوشتن بە بازدانی بۆ نێو بەنداوی سەردەشت گەڕاندووەتەوە.
دەوترێت ئەو منداڵە ساڵانێک لەمەوبەر دایک و باوکی لەیەکتر جیابوونەتەوە و لەگەڵ مامە بەساڵاچووەکەی باوکی ژیاوە.
تا ئێستا هیچ وردەکارییەکی ورد لەسەر چۆنیەتیی مردنی ئەم منداڵە نییە، بەڵام هەندێک سەرچاوە باسیان لەوە کردووە کە تەرمی شاپەرەك بۆ لێكۆڵینەوە بۆ پزیشکی دادوەری گواستراوەتەوە.
لە کاتێکدا کە هەواڵی خۆکوشتنی منداڵێکی ١٢ ساڵان لە هەر شوێنێکی جیهان بە کارەساتێکی مرۆیی دادەنرێت، دامودەزگا سەرکوتکەرەکانی ئەمنی ڕژیم لە شاری سەردەشت هەوڵی کەمکردنەوەی فەزیحەی حکوومەت بە زیادكردنی تەمەنی ئەو منداڵە دەكەن.
