خۆکوژی لە ئێراندا بەردەوام لە هەڵکشاندایە

خەباتمیدیا: بەپێی ئامارە حکوومەتییەکان، ڕۆژانە ١٣ کەس لە ئێراندا خۆیان دەکوژن.
ڕۆژنامەی "ئێعتیماد" بە پشتبەستن بە ئامارە فەرمییەکانی ڕژیم نووسیویەتی کە خۆکوشتن لە ئێران لە ماوەی دەیەی ڕابردوودا زیاتر لە ٤٠% زیادی کردووە و لە نزیکەی سێ هەزار و ٥٠٠ حاڵەتەوە بۆ زیاتر لە پێنج هەزار حاڵەت لە ساڵێکدا زیادی کردووە.
به‌پێی ئه‌م ڕاپۆرته و ئاماره‌کان, له ئێران ڕۆژانه زیاتر له ١٣ که‌س خۆیان ده‌کوژن و زۆربه‌‌ی خۆکوشتنەکانیش کەسانی تەمەن ١٥ بۆ ٣٥ ساڵن.
هەروەها دوایین ڕاپۆرتی "پێوەرەکانی دادپەروەریی کۆمەڵایەتی" دەریدەخات کە لە دەیەی ٩٠ی زایینیدا زیاتر لە ٤٠ هەزار حاڵەتی خۆکوشتن لەلایەن پۆلیسەوە تۆمار کراوە کە دەکاتە دوو بەرابەری ئاماری کوشتن (قەتڵ) لەو وڵاتەدا.
نووسەری ئەم ڕاپۆرتە پێداگری لەسەر لەوە دەکاتەوە کە زیادبوونی ڕێژەی خۆکوشتن لە ئێران بۆ ئەوە دەگەڕێتەوە کە لە ساڵانی ١٣٩٠دا خەڵک تووشی توندترین قەیرانی ئابووری، سیاسی و کۆمەڵایەتی بوون.