سازمانی خه‌بات ی
کوردستانی
ئێران
رۆژی شەممە رێکەوتی ٤ی خەرمانانی ۱٤۰۲ی كۆچی خۆری،كاك بابەشێخ حوسەینی سكرتێری گشتی و چەند كەس لە ئەندامانی كومیتەی ناوەندی سازمانی خەبات پێشوازیان كرد لە بەڕێز كاك عومەر ئیلخانیزادە جێگری سكرتێری گشتی و وەفدی هاوڕێی لە کۆمەڵەی شۆڕشگێڕی زەحمەتكێشانی كوردستانی ئێران.
لە دیدای نێوان وەفدی كۆمەڵەو سازمانی خەبات پێوەندی دۆستانەی دوو لایەن، هەلومەرجی جوڵانەوەی مافخوازانەی گەلی كورد لە كوردستانی ئێران، شۆڕشی ژینا،هەلومەرجی ئێران و پێوەندی و دۆستایەتی لە گەڵ ئۆپۆزسیۆنی سەرانسەری لە ئێران و ناوچەو جیهان قسەو باسی لە سەر كرا. سەبارەت بە ساڵڕۆژی شۆڕشی ژیناو گرینگی ئەو شۆڕش و ڕاپەڕینە جەماوەرییە لە كوردستان و ئێران، ڕادەی هاوكاری هێزو لایەنەكانی كوردستانی ئێران بە گشتی و لە پەیوەند بە ساڵوەگەڕی ئەو ڕاپەڕینە سەرانسەرییە بە تایبەت قسەی لە سەر كرا. لە گەڵ باس كردنی چەند تەوەری دیكە، هەردوولا لە سەر بەردەوام بوون بە پەیوەندی دۆستانە،پێداگریان لەسەر هاوكاریی نێوان،کۆمەڵە و سازمانی خەبات کردەوە.
