سازمانی خه‌بات ی
کوردستانی
ئێران
خەباتمێدیا: بە پێی ڕاپۆرتی سەرچاو هەواڵییەکان، ئێوارەی ڕۆژی یەکشەممە ١٩ی خەرمانانی١٤٠٢، هێزە سەرکوتكەرەكانی ڕژیمی ئاخۆندی ئێران, گەمارۆی ٣٥ كەس لە ئەندامانی ئەنجومەنی سەوزی چیای مەریوانیان داوە و بۆ شوێنێکی نادیاریان گواستوونەتەوە.
ئەم چالاکوانە ژینگەپارێزانە لە کۆبوونەوەی ساڵانەی ئەنجومەنی سەوزی چیادا لەلایەن هێزەکانی حکومەتەوە هێرشیان کراوەتە سەر و دواتر بۆ شوێنی نادیاریان ڕاگواستووە.
ناوی ٩ چالاکی ژینگەپارێزی گیراوی ئەندامی ئەنجومەنی "سەوزی چیا"ی مەریوان، سالار ئازەری، کەمال کۆنەپۆشی، مادح سەردۆش، عەبدوڵڵا بڵواسی، کاوە کەریمیان، کاوە داستان، جەمال قادری، هیوا بابایی و عەلی عینایەت پشتڕاست كراوەتەوە.
