سازمانی خه‌بات ی
کوردستانی
ئێران
به‌شێک له‌‌ئه‌ندامانی کومیته‌ی سویسی سازمانی خه‌بات، به‌هاوکاری له‌گه‌ڵ شاخەی هۆنەری ڕێکخراوەی کوردانی ڕۆژهەڵات له ژنێڤ نمایشێکی هونه‌ریان به‌بۆنه‌ی ساڵیادی شۆڕشی ژینا و بۆ پشتیوانی له ڕاپه‌ڕینه جه‌ماوه‌ریه‌کانی ئێران و کوردستان پێکهێنا. ڕۆژی شه‌ممه ٢٥ی خه‌رمانانی ١٤٠٢ی هه‌تاوی و له ساڵیادی شەهید بوونی ژینا ئەمینی، بەڕێز محەمەدی ڕەحمانی، بەرپرسی بەشی هۆنەری کومیته‌ی سوئیسی سازمان، لەگەڵ شاخەی هۆنەری ڕێکخراوەی کوردانی ڕۆژهەڵات له ژنێڤ، له فستیواڵێکی نێو نەتەویی که به نێوی خۆڕاگری له شاری لۆزانی سویس بەڕێوه چوو، شانۆیەکی هاوبەشیان به دروشمی ( ژن، ژیان، ئازادی ) پێشکەش به ڕۆحی پاکی ژینای کوردان و هەموو گیان بەختکراوی ڕێگای ئازادی کرد و ئه‌و نمایشه بوه جێگه‌ی سه‌رنجی ئاماده‌بوانی ئه‌و فیستڤاڵه.
