سازمانی خه‌بات ی
کوردستانی
ئێران
یەکێک لە کەسوکاری خانەوادەی ئەمینی بە ڕادیۆ فەردای ڕاگەیاند، سەفا عائیلی، خاڵی ژینا ئەمینی دوای ١١ ڕۆژ لە گرتنی و هاوكات لەگەڵ ساڵیادی شەهیدبوونی خوشکەزاکەی پەیوەندی بە خێزانەکەیەوە کردووە و پێی ڕاگەیاندوون کە بەدواداچوون بۆ کەیسەکەی بکەن.
بەپێی زانیاریەکانی سەرچاوەیەكی ئاگادار; لێكۆڵەران ڕێگەیان نەداوە لە پەیوەندییە تەلەفۆنیەكەیدا هیچ زانیارییەك سەبارەت بە شوێن و تۆمەتەكانی بە خانەوادەکەی بڵێ و تەنیا وتوویە من لێرە دەربێنن.
سەفا عائیلی ڕۆژی سێشەممە ١٤ی مانگی خەرمانان لە ڕاستای فشارەکانی سەر خانەوادەی ئەمینی لە ماڵەکەی خۆی لە سەقز گیراوە.
بە پێی ئەم سەرچاوەیە، ئیتلاعاتی سەقز کە پێشتر بەڵێنیان دابوو کە خاڵی ژینا لە دوای ٢٥ی خەرمانان ئازاد بکەن، لە وەڵامی بەدواداچوونی خانەوادەی سەفا عائیلی ڕایانگەیاندووە: ئەو هاوکاریی ئیتلاعات ناکات.
بەکرێگیراوانی ئیتلاعاتی تروریستی سەقز هەروەها وتوویانە: سەفا لە دەستی ئێمەدا نییە و پێویستە چاوەڕێی حوکمەکەی بکەن.
