سازمانی خه‌بات ی
کوردستانی
ئێران
بەپێی هەواڵی میدیاکانی تورکیەوە، سەلاحەددین دەمیرتاش هاوسەرۆکی هەدەپه و ڤیان یوکسەکداغ و هەشت پارلمانتارێکی تری کورد لە لایەن پۆلیسی تورکەوە دەستبەسەر کراون.
دەگوترێ دەمیرتاش لە ناو ماڵەکەی خۆیدا دەستبەسەر کراوە.
ئەو هەشت پەرلمانتارەی تر کە دەستبەسەر کراون بریتین لە: سووڕەیا ئوندەر، محەممەد عەلی ئەسڵان، زیبا پیر، فەرهاد ئونجو، لەیلا بیرلک، سەلام ئیرماک و نوورسەل ئادۆغان و گوولسەر یلدریم.
دەستبەسەرکرانی ئەو پارلمانتارە کوردانە لە حاڵێکدایە کە چەند ڕۆژ بەر لە ئێستا، دوو شارەوانی دیاربەکر دەستبەسەر کراون.
پۆلیس و دەزگای دادوەریی تورکیە، لە دوای سەردانی دەمیرتاش بۆ ڕووسیە و کردنەوەی نوێنەرایەتی لەو وڵاتە، لە هەوڵی دەستبەسەرکردنی دەمیرتاش دابوون.
لە هەمان کاتدا هەواڵی دەستبەسەرکرانی لەیلا زاناش لە ئارا دایە بەڵام تا ئێستا پشتڕاست نەکراوەتەوە.
