سزای ساڵێک حوکمی تەعزیری بۆ سەر هاووڵاتیەکی خەڵکی سەقز.

سزای ساڵێک حوکمی تەعزیری بۆ سەر هاووڵاتیەکی خەڵکی سەقز.

عەبدوڵا هەمزە، هاووڵاتی خەڵکی شاری سەقز کە ساڵی پێشوو لەلایەن ئیتلاعاتی تیرۆریستی سپای پاسداران بەند کرابوو، لەلایەن ناوەندی بەناو دادوەری ڕژیم لەم شارە، سزای ساڵێک زیندانی تەعزیری بەسەردا سەپێندرا.
بەپێی ڕاپۆرتەکان، عەبدوڵا هەمزەیی لەکۆتاییدا لەلایەن شۆعبەی یەکی دادگای بەناو ئینقلابی ئەم شارە بە سەرپەرەستی قازی مەسعوود حاجی زادە، بەتۆمەتی، ئەندام بوونی یەکێک حیزبە دژبەرەکانی ڕژیم، بە یەک ساڵ حوکمی تەعزیری سزا درا.
جێی باسە کە ئەم هاووڵاتیە ڕۆژی شەممە 20ی جۆزەردانی 1402ی هەتاوی لە شاری سەقز بەبێ هیچ بەڵگەیەکی یاسایی لەلایەن ئیتلاعاتی تیرۆریستی ئەم شارە بەندکرا.
جێی ئاماژەیە کە، عەبدووڵا هەمزە لەدوای گیرانی، گوازرایەوە بۆ ئیتلاعاتی شاری سنە و لەکۆتاییدا لەدوای مانگێک بەند کران، بەشێوەیەکی کاتی هەتا کاتی کۆتایی هاتنی دانیشتنەکان بەدانانی بارمتە ئازاد کرا.