سازمانی خه‌بات ی
کوردستانی
ئێران
میدیاکانی ئیسڕائیل بڵاویانکردەوە، ژمارەی ئەو ئیسڕائیلییانەی لەماوەی دوو ڕۆژی ڕابردوودا لەلایەن گرووپە ترۆریستیەکانی حەماس کوژران ٧٠٠ کەسی تێپەڕاندووە و نزیکەی دوو هەزار و ٢٠٠ کەسیش بریندار بوون.
وەزارەتی تەندروستیی فەلستینیش نوێترین ئاماری گیاندانی بەهۆی بۆردومانەکانی سپای ئیسڕائیلەوە بۆسەر غەززە بڵاوکردەوە و ئاماژەی بەوەدا، تا ئێستا ٤٧٠ کەس لە کەرتی غەززە کوژراون و زیاتر لە دوو هەزار و ١٠٠ کەسیش بریندارن.
تەندروستیی فەڵەستین ئاماژەی بەوەشداوە، لەترسی بۆردومانەکانی ئیسڕائیل ٧٠ هەزار کەس لە غەززە پەنایان بۆ قوتابخانەکان بردووە.
هاوکات، پێکدادان لەنێوان سپای ئیسڕائیل و ترۆریستانی حەماس لە ناوچەكانی سیدۆرت و عەسقەلان و پێنج ناوچەی دیکەی کەناری غەززە بەردەوامە.
ئاژانسی ڕۆیتەرز ئاشکرای كردووە، ژمارەی ئەو ئیسڕائیلییانەی لەلایەن گرووپە فەڵەستینییەکانەوە بەدیل گیراون ١٥٠ کەسی تێپەڕاندووە و تا ئێستاش ٧٠٠ ئیسڕائیلیش بێسەروشوێنن.
