سازمانی خه‌بات ی
کوردستانی
ئێران
ئانالینا بێربۆک، وەزیری دەرەوەی ئاڵمان، لەو سەردانەی کە بۆ ئیسرائیلی کردووە و بەشداری لە کۆنگرەیەکی ڕۆژنامەوانیی هاوبەشدا لەگەڵ هاوتا ئیسرائیلییەکەی، ئایلی کۆهێن، حەماسی تۆمەتبار کرد کە لە خەڵکی مەدەنیی فەلەستین وەک قەڵغانی مرۆیی كەڵك وەردەگرێ.
ناوبراو وتی: حەماس ئێستا لە پشت سەدان فەلەستینیی بێتاوان خۆی شاردۆتەوه و تەواوی دانیشتووانی کەرتی غەززەی به بارمته گرتووه.
وەزیری دەرەوەی ئەڵمان هەروەها حەماسی تۆمەتبار کرد بەوەی کە بە ئەنقەست کۆگای چەک و ناوەندی فەرماندەیی لە نزیک بینای نیشتەجێبوون، مارکێتەکان، زانکۆکان و ڕەنگە تەنانەت نەخۆشخانەکانیش دامەزراندووە.
شایانی باسە کە هەروەها ئانتۆنی بلینكن لە میانی کۆنگرە ڕۆژنامەوانییەکەیدا لە قەتەر ڕۆژی هەینی، ئاماژەی بەوەدا کە ئۆپەراسیۆنەکانی ئیسرائیل لە غەززە لە وڵامی هێرشە ترۆریستییەکانی حەماسە و ڕایگەیاند کە حەماس خەڵکی مەدەنی لە غەززە وەک قەڵغان بەکاردەهێنێت و لە ناوچەیەك دایاندەنێ کە مەترسییان لەسەرە.
