سازمانی خه‌بات ی
کوردستانی
ئێران
بەپێی ڕاپۆرتی ئاژانسی ڕۆیتەرز، سەرچاوەیەکی ئەمنیی ئیسرائیل ڕایگەیاند، ساڵی ڕابردوو ڕژیمی ئێران, هاوکاریی دارایی بۆ باڵی سەربازیی حەماس لە سەد میلیۆن دۆلارەوە بۆ نزیکەی سێ سەد و پەنجا میلیۆن دۆلار لە ساڵێکدا زیادکردووە.
بە پێی ڕاپۆرتی وەزارەتی دەرەوەی ئەمریکا لە ساڵی ٢٠٢٠، ڕژیمی ئێران ساڵانە نزیکەی ١٠٠ میلیۆن دۆلار بۆ گرووپە فەلەستینییەکان لەوان حەماس، جیهادی ئیسلامیی فەلەستین و بەرەی جەماوەری بۆ ڕزگاری فەلەستین، دابین دەکات.
ئیسماعیل هەنیە; ڕێبەری بزووتنەوەی ترۆریستی حەماس ساڵی ڕابردوو لە چاوپێکەوتنێکدا لەگەڵ کەناڵی جەزیرە ڕایگەیاند کە ئەم تاقمە تیرۆریستییە حەفتا میلیۆن دۆلار هاوکاریی سەربازی لە ڕژیمی ئاخوندی ئێران وەرگرتووە.
هەروەها ئاماژەی بەوەشکرد: ئێمە لە ناوخۆدا مووشەکمان بەرهەمهێناوە، بەڵام مووشەکی دوور مەودا لە حکومەتی ئێران و سووریە و هتد، لە ڕێگەی میسرەوە هاوردە كراوە.
